বেংকৰ চাকৰি বিচৰাসকলৰ বাবে সুখৱৰ : এছ বি আইত ওলাইছে চাকৰি, লোভণীয় দৰমহা

ষ্টেট বেংক অফ ইণ্ডিয়াই (এছ বি আই) স্পেছিয়েল কেডাৰ অ’ফিচাৰ আৰু ডিউটি জেনেৰেল মেনেজাৰ পদৰ নিযুক্তিৰ বাবে আবেদন বিচাৰিছে। যিসকলে বেংকত চাকৰি কৰা হাবিয়াস পুহি ৰাখিছে আৰু উপযুক্ত অৰ্হতা আহৰণ কৰিছে তেওঁলোকৰ কাৰণে আহিছে এক সুন্দৰ সুযোগ।

উক্ত চাকৰিৰ বাবে প্ৰয়োজনীয় অৰ্হতা কি সেয়া প্ৰথমে জানো আহক; তাৰপাছত কৰক আবেদন : –

স্পেছিয়েল কেডাৰ অ’ফিচাৰ আৰু ডিউটি জেনেৰেল মেনেজাৰ পদত আবেদন কৰাৰ আন্তিম তাৰিখ হৈছে অহা ১২ আগষ্ট। প্ৰাৰ্থী সকলে আজিৰে পৰাই ইয়াৰ নিজা ৱেবছাইট sbi.co.in ত গৈ আবেদন পত্ৰ দাখিল কৰিব পাৰিব।

এই পদসমূহত আবেদন কৰা প্ৰাৰ্থীসকলক এক সাক্ষাৎকাৰৰ আধাৰত শ্বৰ্টলিষ্ট কৰা হ’ব আৰু ইয়াৰ পাছতে নিযুক্তি প্ৰক্ৰিয়া আৰম্ভ হ’ব।

নিযুক্তি হ’বলগীয়া পদ আৰু ইয়াৰ সংখ্যা হৈছে এনেধৰণৰ –

ডেপুটি জেনেৰেল মেনেজাৰ (কেপিটেল প্লেনিং)-১ টা পদ

এছ এম ই ক্ৰেডিট এনালিষ্ট (ছেক্টৰ স্পেছিয়েলিষ্ট)- ১১ টা পদ

এছ এম ই ক্ৰেডিট এনালিষ্ট (ষ্ট্ৰাকশ্যাৰিং) – ৪টা পদ

এছ এম ই ক্ৰেডিট এনালিষ্ট – ১০ টা পদ

ক্ৰেডিট এনালিষ্ট – ৫০ টা পদ

ডেপুটি জেনেৰেল মেনেজাৰ (এছেট লায়েবিলিটি মেনেজমেন্ট)-১টা পদ

এছ বি আইৰ উক্ত পদসমূহত আবেদন কৰাৰ বাবে প্ৰাৰ্থী যিকোনো স্বীকৃতিপ্ৰাপ্ত প্ৰতিষ্ঠানৰ পৰা MBA, B.E./ B.Tech., CA ডিগ্ৰী লাভ কৰা হ’ব লাগিব। সকলোবোৰ পদৰ বাবে বেলেগে বেলেগে অৰ্হতা নিৰ্দ্ধাৰণ কৰা হৈছে। সৱিশেষ জানিবৰ বাবে আনুষ্ঠানিক জাননীত চকু ফুৰাওক।

ডিউটি জেনেৰেল মেনেজাৰ পদত আবেদনৰ বাবে প্ৰাৰ্থীৰ বয়সৰ উৰ্দ্ধ সীমা ৪৫ বছৰৰ অধিক হ’ব নালাগিব আৰু আন পদৰ বাবে ৩৫ বছৰৰ অধিক হ’ব নালাগিব।

ডিউটি জেনেৰেল মেনেজাৰ পদৰ বাবে দৰমহাৰ নিৰিখ ৬৮৬৮০ৰ পৰা ৭৬৫২০ টকা আৰু আন পদৰ বাবে ৪২০২০ ৰ পৰা ৫১৪৯০ টকা নিৰ্দ্ধাৰণ কৰা হৈছে।

প্ৰাৰ্থীসকলক বেংকৰ নিজা ৱেবছাইট পৰীক্ষা কৰি চোৱাৰ বাবে পৰামৰ্শ আগবঢ়োৱা হ’ল:-

https://bank.sbi/careers or https://www.sbi.co.in/careers regularly for details and updates (including the list of shortlisted/qualified candidates).