তেজপুৰৰ গুটলুঙত এগৰাকী ১৪ বছৰীয়া ছাত্ৰীক যৌন নিৰ্যাতন চলোৱাৰ অভিযোগত বৃহস্পতিবাৰে আৰক্ষীয়ে এগৰাকী বিদ্যালয়ৰ শিক্ষকক গ্ৰেপ্তাৰ কৰে।
আৰক্ষী বিষয়াই জানিবলৈ দিয়ে যে এক অভিযোগৰ ভিত্তিত আৰক্ষীয়ে সূৰ্যোদয় হাইস্কুলৰ এগৰাকী শিক্ষক দাদুল পটংগীয়াক বিদ্যালয়খনৰ অষ্টম শ্ৰেণীৰ এগৰাকী ছাত্ৰীক নিৰ্যাতন চলোৱাৰ বাবে গ্ৰেপ্তাৰ কৰে।
আৰক্ষীয়ে জানিবলৈ দিয়া মতে, ঘটনাটো দুদিন পূৰ্বে সংঘটিত হৈছিল আৰু বৃহস্পতিবাৰে ছোৱালীজনীয়ে অভিভাৱকক ঘটনাটো কোৱাৰ পাছত পোহৰলৈ আহে।
স্থানীয় লোকে অভিযুক্ত শিক্ষকগৰাকীৰ বিৰুদ্ধে ব্যৱস্থা গ্ৰহণৰ দাবীত বিদ্যালয় চৌহদত প্ৰতিবাদ সাৱ্যস্ত কৰাৰ পাছতে আৰক্ষীয়ে শিক্ষকগৰাকীক গ্ৰেপ্তাৰ কৰে।
বিদ্যালয়খনৰ প্ৰধান শিক্ষকগৰাকীয়ে স্থানীয় লোকে বিদ্যালয়খনত প্ৰতিবাদ সাৱ্যস্ত কৰাৰ পাছতে আৰক্ষীক ঘটনাটো সন্দৰ্ভত অৱগত কৰে।
খৱৰ লাভ কৰাৰ পাছতে আৰক্ষীৰ এটা দল গৈ বিদ্যালয়খনত উপস্থিত হয় আৰু শিক্ষকগৰাকীক বিদ্যালয়খনৰ চৌহদৰ পৰা উদ্ধাৰ কৰি আনে।
পাছত তেওঁক ভাৰতীয় দণ্ডবিধি আইন আৰু POCSO আইনৰ সংশ্লিষ্ট ধাৰাৰ অধীনত আৰক্ষীয়ে গ্ৰেপ্তাৰ কৰে।
