মহানগৰীৰ খানাপাৰাত শুকুৰবাৰে পুৱাই ৰহস্যজনক উদ্ধাৰ হৈছে এগৰাকী শিক্ষকৰ মৃতদেহ। পশু চিকিৎসা মহাবিদ্যালয় খেলপথাৰৰ সমীপত সংঘটিত হৈছে এই ঘটনা। খবৰ পোৱাৰ পিছতে দিছপুৰ আৰক্ষীয়ে গৈ মৃতদেহটো উদ্ধাৰ কৰে।
এজোপা গছত চিপ লোৱা অৱস্থাত উদ্ধাৰ হৈছে শিক্ষকগৰাকীৰ মৃতদেহ। যুৱ শিক্ষকগৰাকীক দুৰ্বৃত্তই হত্যা কৰি ওলমাই থোৱাৰ সন্দেহ কৰা হৈছে।
লগতে পঢ়ক: সৰ্বসাধাৰণৰ মাজত বিজ্ঞানক জনপ্ৰিয় কৰি তোলা বিজ্ঞানী ড০ প্ৰণৱজ্যোতি চেতিয়াৰ আকস্মিক বিয়োগ
মৃত শিক্ষকজনক মাজুলীৰ প্ৰণৱ মিলি বুলি চিনাক্ত কৰা হৈছে। জানিব পৰা মতে, ২০১৬ চনত টেট শিক্ষক হিচাপে নিযুক্তি লাভ কৰিছিল প্ৰণৱ মিলিয়ে।
প্ৰথম অৱস্থাত মৃতদেহটো চিনাক্ত হোৱা নাছিল যদিও পৰৱৰ্তী সময়ত আৰক্ষীয়ে মৃতদেহটো চিনাক্ত কৰে।
প্ৰণৱ মিলি ধুবুৰীত কৰ্মৰত আছিল বুলি জানিব পৰা গৈছে। এই ঘটনাক কেন্দ্র কৰি ৰহস্যৰ সৃষ্টি হৈছে।
লগতে পঢ়ক: নাবালিকা কন্যাক বলপূৰ্বকভাৱে পতিতাবৃত্তিত জড়িত কৰাৰ অপৰাধত গোলাঘাটত গ্ৰেপ্তাৰ মহিলা
প্ৰকৃতপক্ষে এয়া আত্মহননৰ ঘটনা নে এক পৰিকল্পিত হত্যা সেয়া নিশ্চিত হোৱা নাই। অৱশ্যে সমগ্ৰ ঘটনা সন্দৰ্ভত আৰক্ষীয়ে তদন্ত আৰম্ভ কৰিছে।
