পৃথিৱীৰ বাহিৰত প্ৰাণৰ সন্ধান বিজ্ঞানীসকলৰ বাবে সদায় এক প্ৰত্যাহ্বানভৰা গৱেষণা বিষয়। বহু প্ৰশ্ন, যথেষ্ট কৌতূহল আৰু বহু ব্যাখ্যা আছে ইয়াৰ ৰহস্য বিশ্লেষণত। এই সকলোবোৰ এতিয়া যথেষ্ট পৰিমাণে বৃদ্ধি পোৱা দেখা গৈছে। কিয়নো পৃথিৱীৰ বাহিৰৰ পৰা পৃথিৱীলৈ আহিছে ৰেডিঅ’ সংকেত।
চীনৰ এটা বৃহৎ ৰেডিঅ’ টেলিস্কোপৰ দ্বাৰা এই ঢৌৰ অস্তিত্ব চিনাক্ত হৈছে। এই টেলিস্কোপটোত ৫০০ মিটাৰ ছিদ্ৰ (এপাৰচাৰ) আছে।
কিন্তু এই তৰংগ নিৰৱিচ্ছিন্নভাৱে আহি থকা নাই। চকুৰ পলক পেলাবলৈ যিমান সময় লাগে তাতকৈ কম সময় ই বিদ্যমান।
তথাপিও এই উৎসৰ পৰাই বিজ্ঞানীসকলে তৰংগটো ক’ৰ পৰা আহিছে, কেনেকৈ ইয়াক আৱদ্ধ কৰিব পাৰি তথা ইয়াক অনুসৰণ কৰি সেই অজান দেশৰ ৰহস্য উদ্ঘাটন কৰিব পাৰি তাৰবাবে অনু সন্ধানত নামি পৰিছে।
প্ৰাথমিকভাৱে বিজ্ঞানীসকলে এটা ধাৰণা কৰিছে। তেওঁলোকে কয় যে হয়তো এটা মহা তাৰকাই তেওঁৰ চাৰিওফালৰ তৰাবোৰ গ্ৰাস কৰিছে আৰু তেতিয়াই তৰংগটো ওলাই আহিছে। অন্যথা, ই কোনো ছুপাৰনোভাৰ (বিস্ফোৰণ ঘটা তাৰকা!) খেল। বা নিউট্ৰন নক্ষত্ৰৰ বিষয়। এই তৰংগৰ এটা ছদ্মনাম হৈছে – ফাষ্ট ৰেডিঅ’ বাৰ্ষ্ট বা এফ.আৰ.বি।
