গোৱালপাৰাৰ মহিলা আলিমা খাতুন ছনি টিভিৰ জনপ্ৰিয় গেম শ্ব’ ‘কোন বনেগা ক্ৰোৰপতি’ত অংশ গ্ৰহণ কৰা অসমৰ দ্বিতীয়গৰাকী মহিলা প্ৰতিযোগী।
জন্মসুত্ৰে ধুবুৰীৰ আৰু বিবাহসূত্ৰে বৰ্তমান গোৱালপাৰাৰ বাসিন্দা আলিমা খাতুনে ‘কোন বনেগা ক্ৰোৰপতি’ৰ হট ছিটত বহাৰ সুযোগ লাভ কৰিছে।
অৱসৰপ্ৰাপ্ত বেংক বিষয়া আৰু বৰ্তমান গৃহিণী আলিমাই বৰ্তমান এটা স্বাধীন ব্যৱসায়ো কৰি আছে।
‘কোন বনেগা ক্ৰোৰপতি’ (কেবিচি) ছনি টেলিভিশ্বনৰ অমিতাভ বচ্চনে আঁত ধৰা এই অতি জনপ্ৰিয় শ্ব’টোৰ দশম সংস্কৰণত অসমৰ দ্বিতীয়গৰাকী মহিলা প্ৰতিযোগী হিচাপে আলিমা খাতুনে অংশগ্ৰহণ কৰিছে। খাতুনে বৰ্তমান তিনিটা লাইফলাইন হেৰুৱাই ১,৬০,০০ টকাত খেলি আছে।
আজি সন্ধিয়া তেওঁৰ পৰৱৰ্তী খণ্ডৰ খেলৰ সম্প্ৰচাৰ কৰা হ’ব। এই খণ্ডতে তেওঁ লাভ কৰা ধনৰ পৰিমান সদৰী হ’ব।
এই টিভি শ্ব’টোতে তেওঁক এটা প্ৰশ্নত ‘গুৱাহাটী’ৰ অৰ্থ সোধা হৈছিল। গুৱাহাটী শব্দটো দুটা অসমীয়া শব্দৰ সমাহাৰ। ‘গুৱা’ মানে তামোল আৰু ‘হাট’ মানে বজাৰ।
কেবিচিৰ দশম সংস্কৰণত অসমৰ পৰা অংশগ্ৰহণ কৰা প্ৰথমগৰাকী প্ৰতিযোগী আছিল বিনীতা জৈন।
উল্লেখযোগ্য যে জৈনে অসমৰ পৰা প্ৰতিযোগিতাখনত অংশগ্ৰহণ কৰি ১ কোটি টকা বিজয়েৰে গৌৰৱ কঢ়িয়াই আনিছিল। তদুপৰি, এই পৰিমানৰ ধন লাভ কৰা তেওঁ আছিল এই প্ৰতিযোগিতাখনৰ ইতিহাসত পঞ্চমগৰাকী মহিলা।