Strategic Sela tunnel for Tawang অৰুণাচল প্ৰদেশত নিৰ্মাণৰত এটা কৌশলগত সুৰংগ নিৰ্মাণৰ কাম অহা ২০২২চনৰ জুনৰ নিৰ্দিষ্ট সময়সীমাৰ পূৰ্বে সম্পূৰ্ণ হৈ উঠাৰ বাবে সাজু হৈছে।
বাতৰি অনুসৰি, বৃহস্পতিবাৰে সূত্ৰসমূহে জানিবলৈ দিয়া মতে বতৰৰ বাধা-বিঘিনী অতিক্ৰমি টাৱাং ছেক্টৰৰ প্ৰকৃত নিয়ন্ত্ৰণ ৰেখাৰ ওচৰত সেনা তথা অস্ত্ৰ-শস্ত্ৰ ক্ষিপ্ৰতাৰে উপস্থিত কৰাব পৰাকৈ এই সুৰংগ সহায়ক হ’ব।
২০১৮চনত চৰকাৰে ৭০০কোটি টকা ব্যয়সাপেক্ষ এই ছেলা সুৰংগৰ কথা ঘোষণা কৰিছিল।
এইটো ১৩০০০ ফুটতকৈয়ো ওপৰৰ পৃথিৱীৰ আটাইতকৈ দীঘল দুটা পথৰ সুৰংগ আৰু যিকোনো বতৰতে টাৱাঙলৈ যাত্ৰা কমেও এঘন্টা সময় হ্ৰাস কৰিব।
প্ৰায় ১৪,০০০ফুটতকৈয়ো উচ্চতাৰ টাৱাঙৰ ছেলা পাছলৈ শীতৰ দিনত যোগাযোগৰ ক্ষেত্ৰত কেইবা দশকজুৰি সেনাৰ বাবে এক সামগ্ৰী কঢ়িওৱাৰ বৃহৎ প্ৰত্যাহ্বান হৈ আহিছে।
কমেও তিনিমাহ সময় মানুহৰ চলাচল, অস্ত্ৰ-শস্ত্ৰ, ৰছদ পাতিৰ ক্ষেত্ৰত তীব্ৰ অসুবিধাৰ সন্মুখীন হৈ আহিছে।
বৰ্ডাৰ ৰোড অৰ্গেনাইজেশ্যনে ছেলা প্ৰকল্পটোৰ নিৰ্মাণৰ কামত জড়িত হৈছে। ইয়াত তিনিটা সুৰংগৰ নিৰ্মাণ হৈছে-এটা মুখ্য সুৰংগ, এটা ৰক্ষাৰ বাবে পলায়নৰ সুৰংগ আৰু এটা হ্ৰস্ব তৃতীয় সুৰংগ। ইয়াৰ লগতে চলি আছে মুখ্য সুৰংগৰ সৈতে তৃতীয়টো সুৰংগৰ সংযোগী এটা পথৰ নিৰ্মাণ।
মুখ্য সুৰংগটো আৰু ৰক্ষাৰ বাবে পলায়নৰ সুৰংগটো দুয়োটাই ১,৫৫৫মিটাৰ দীঘল আৰু হ্ৰস্ব সুৰংগটো ৯৮০মিটাৰ দীঘল তথা পথটো হ’ব ১২০০ মিটাৰ জোৰা।
ছেলা সুৰংগটো অৰুণাচল প্ৰদেশৰ পশ্চিম কামেং জিলাত অৱস্থিত আৰু ই ৰাষ্ট্ৰীয় সুৰক্ষা শক্তিশালী কৰাৰ দিশত এক গুৰুত্বপূৰ্ণ ভূমিকা পালন কৰাৰ লগতে অঞ্চলটোৰ আৰ্থ-সামজিক বিকাশো সুনিশ্চিত কৰিব।
