গুৱাহাটীৰ সাতগাঁও আৰক্ষীয়ে আজি এক অভিযান চলাই নাৰী দেহ ব্যৱসায়ী চক্ৰ উৎখাট কৰে। ঘটনা সংক্ৰান্তত আৰক্ষীয়ে দেহ ব্যৱসায়ী চক্ৰৰ সৈতে জড়িত দুজন লোকক গ্ৰেপ্তাৰ কৰে।
প্ৰাপ্ত তথ্য মতে অভিযুক্ত ব্যক্তি দুজনক আৰক্ষীয়ে মহানগৰৰ পাঞ্জাবাৰী অঞ্চলৰ নামঘৰ পথৰ পৰা আটক কৰিছে। ধৃত লোক দুজনক চন্দন নায়ক আৰু দধিৰাজ শৰ্মা বুলি চিনাক্ত কৰা হৈছে।
আনহাতে দেহ ব্যৱসায়ী চক্ৰটোৰ মূল অভিযুক্ত মাইনা গোৱালা বৰ্তমান পলাতক অৱস্থাত আছে বুলি আৰক্ষীৰ সূত্ৰত প্ৰকাশ।
উল্লেখযোগ্য যে আজি অঞ্চলটোৰ স্থানীয় লোকে এগৰাকী নাবালিকাক দেহ ব্যৱসায়ত লিপ্ত হ’বলৈ বাধ্য কৰোৱাৰ কথা গ’ম পোৱাৰ পিছতে সমগ্ৰ ঘটনাটো পোহৰলৈ আহে।
ঘটনা সম্পৰ্কত অধিক তথ্যৰ বাবে তদন্ত চলাই থকা হৈছে বুলি আৰক্ষীৰ এক সূত্ৰই জানিবলৈ দিছে।