হলীউদ তাৰকা কিম কাৰ্দাচিয়ানৰ দৰে হ’বলৈ গৈ চৰম লটি ঘটি হ’ল এগৰাকী মডেলৰ। জেনিফাৰ পাম্পলোনা নামৰ মডেলগৰাকীয়ে কাৰদাছিয়ানৰ দৰে হ’বলৈ খৰচ কৰিছিল প্ৰায় ৫ কোটি টকা।
সংবাদ মাধ্যমত প্ৰকাশ পোৱা খবৰ অনুসৰি, ২৯ বৰ্ষীয় ব্ৰাজিলিয়ান মডেলগৰাকীয়ে বৰ্তমানলৈকে ৪০ টাকৈ ব্যয়বহুল কচমেটিক অস্ত্ৰোপচাৰ কৰিছে। যোৱা ১২ বছৰ ধৰি তেওঁ এই অস্ত্ৰোপচাৰসমূহ কৰি আহিছিল।
১৭ বছৰ বয়সত তেওঁ মুখমণ্ডলৰ প্ৰথমটো চাৰ্জাৰী কৰিছিল। কিন্তু এতিয়া তেওঁৰ অনুভৱ হ’ল যে এইসমূহে আনন্দ দিয়াৰ বিপৰীতে বিৰক্তিহে দিছে।
তেওঁ জনায় যে মানুহে যেতিয়া তেওঁক কাৰদাছিয়ান বুলি কয়, তেওঁৰ চৰম বিৰক্তি ভাব আহে। ইয়াৰ দ্বাৰা তেওঁ নিজৰ পৰিচয়ৰ সংকটত ভুগে বুলি জনায়।
এতিয়া পুনৰ নিজৰ স্বাভাৱিক চেহেৰালৈ তেওঁ উভটি যাব বিচাৰিছে। তাৰ বাবেও মডেলগৰাকীক প্ৰয়োজন হ’ব ৯০ লাখ অধিক টকা।
