হিমাচল প্ৰদেশৰ নিৰ্বাচন সমাগত। ৰাজ্য খনৰ চিমলাৰ আসনত এইবাৰ বিজেপিয়ে প্ৰাৰ্থিত্ব দিছে এজন চাহৰ দোকানীক। সঞ্জয় সুদে চিমলাত এখন চাহৰ দোকান চলায়। বিজেপিয়ে মন্ত্ৰী সুৰেশ ভৰদ্বাজৰ ঠাইত চিমলাৰ পৰা সুদক প্ৰাৰ্থিত্ব দিয়াৰ সিদ্ধান্ত লোৱা হৈছে। ইয়াৰ আগতে, সুৰেশ ভৰদ্বাজে চাৰিবাৰ চিমলা আৰ্বান আসনৰ বাবে প্ৰতিদ্বন্দিতা কৰিছিল। হিমাচল বিধানসভা নিৰ্বাচনৰ বাবে বিজেপি আৰু কংগ্ৰেছৰ মাজত পোনপটীয়া যুঁজ হোৱাটো নিশ্চিত হৈ পৰিছে।
একে সময়তে, আম আদমী পাৰ্টীয়ে ইয়াক ত্ৰিকোণীয়া প্ৰতিযোগিতাত বিশেষ ভূমিকা ল’ব। এইবাৰ বিজেপিয়ে চিমলা বিধানসভা আসনত এজন ‘চাহৱালা’ক প্ৰাৰ্থী হিচাবে দিছে । বিৰোধী নেতাসকলে এটা সময়ত ‘চাহৱালা’ বুলি কৈ প্ৰধানমন্ত্ৰী মোডীক উপহাস কৰিছিল, যাক বিজেপিয়ে অস্ত্ৰ হিচাপে ব্যৱহাৰ কৰিছিল।
টিকট পোৱাৰ পিছত সঞ্জয় সুদে কয়, “মই অত্যন্ত কৃতজ্ঞ যে বিজেপিয়ে মোক চিমলা আৰ্বানৰ দৰে আসনৰ পৰা প্ৰতিদ্বন্দিতা কৰিবলৈ দিছে। মোৰ দৰে এজন সৰু মানুহৰ বাবে, এয়া এক ডাঙৰ সন্মান।”
সঞ্জয় সুদ এটা অতি দৰিদ্ৰ পৰিয়ালৰ আৰু ১৯৯১ চনৰ পৰা চিমলাত এখন চাহৰ দোকান চলাই আছে। আগতে তেওঁ বাতৰি কাকত বিক্ৰী কৰিছিল ।সেই সময়ত, তেওঁ আৰ এছ এছ “বিদ্যাৰ্থী পৰিষদ”ৰ ছাত্ৰ শাখাত কাম কৰাৰ সুযোগ পাইছিল । তেওঁ কৈছিল, “আগতে, মই বাছ ষ্টেণ্ডত বাতৰি কাকত বিক্ৰী কৰিছিলো। দৰিদ্ৰ পৰিয়ালৰ হোৱা স্বত্বেও, সেৱাৰ মনোভাৱ মোৰ হৃদয়ত আছিল। মই পাঁচ বছৰ ছাত্ৰ পৰিষদৰ বাবে কাম কৰিছিলো কিন্তু আৰ্থিক অসুবিধাৰ বাবে সেৱা কৰাটো বন্ধ কৰিব লগা হৈছিল। মই ১৯৯১ চনত এই চাহৰ দোকানখন খুলিছিলো। দোকান খনে মোৰ পৰিয়ালৰ খৰচ পৰিশোধ কৰাত সহায় কৰি আহিছে।”
সঞ্জয় সুদ আৰু প্ৰধানমন্ত্ৰী মোদীৰ মাজত ‘চাইৱালা’ নামেৰেবহুতে তুলনা কৰিছে। সুদে কয় যে তেওঁক প্ৰধানমন্ত্ৰীৰ সৈতে তুলনা কৰা উচিত নহয়৷ তেওঁ কয়, “অনুগ্ৰহ কৰি তেওঁক মোৰ সৈতে তুলনা নকৰিব, তেওঁ এজন অতুলনীয় ব্যক্তিত্ব, মই তেওঁৰ ভৰিৰ তলৰ ধুলিৰ সমানো নহয়।”
