লণ্ডন বিশ্ববিদ্যালয়ৰ ‘স্কুল অব অৰিয়েণ্টেল এণ্ড আফ্ৰিকান ষ্টাডিজ’ত মানৱাধিকাৰ আইন বিষয়ত এবছৰীয়া স্নাতকোত্তৰ পাঠ্যক্ৰমত অধ্যয়ন কৰাৰ বাবে সন্মানীয় চেভেনিং স্কলাৰশ্বিপ (Chevening Scholarship) ২০১৭-১৮ বৰ্ষৰ বাবে বাবে নিৰ্বাচিত হৈছে গুৱাহাটীৰ সৃষ্টি গোস্বামী।
বৃটেইন চৰকাৰৰ এই আন্তৰ্জাতিক জলপানি বাবে নিৰ্বাচিত হোৱা শিক্ষাৰ্থীসকলে বৃটেইনৰ বিশ্ববিদ্যালয়ত নিজৰ পচণ্ডৰ যিকোনো বিষয়ত স্নাতকোত্তৰ পাঠ্যক্ৰমত অধ্যয়নৰ সুযোগ লাভ কৰে।
এগৰাকী উঠি অহা কৰমী সৃষ্টিয়ে মানৱাধিকাৰৰ ওপৰত নিজৰ মনোসংযোগ কৰি আছে আৰু তেওঁ বিশ্বাস কৰে যে প্ৰতিটো শিশুকেই প্ৰথমৰে পৰাই পৰা নিজৰ অধিকাৰ সম্পৰ্কে অৱগত কৰাব লাগে।
সৃষ্টিয়ে ভাৱে যে বৃটেইনত মানৱ অধিকাৰৰ সৈতে জড়িত অধ্যাপক, কৰ্মী, বেচৰকাৰী সংস্থাৰ সৈতে সাক্ষাৎ কৰি তেওঁলোকৰ পৰা তথ্য আহৰণ কৰি তাৰ মানৱাধিকাৰৰ ওপৰত প্ৰৱাহিত কৰিব পৰা পাঠ্যক্ৰম প্ৰস্তুত কৰি পৰা সেয়া ভাৰতৰ প্ৰাথমিক আৰু মধ্য বিদ্যালয়সমূহত প্ৰৱৰ্তন কৰিব পাৰিব।
ডনবস্কো স্কুলৰ পৰা হিউমেনিটীজত শীৰ্ষস্তান লাভ কৰা সৃষ্টিয়ে টাটা ইন্সটিটিউট অব ছ’চিয়েল ছাইন্সেজ, গুৱাহাটীৰ পৰা সমাজশাস্ত্ৰ বিভাগত স্নাতকোত্তৰ ডিগ্ৰী লাভ কৰিছে। তেওঁ অশোকা য়ুনিভাৰছিটি, সোনীপতৰ পৰা লিবাৰেল ষ্টাডিজ বিষয়ত যাং ইণ্ডিয়া ফেল’ হিচাপে স্নাতকোত্তৰ ডিপ্লোমা লাভ কৰিছে।
তেওঁ দিল্লী চৰকাৰ, ষ্টাৰ ইণ্ডিয়া প্ৰাইভেট লিমিটেডৰ উদ্যোগৰ ছাজহা ফ’ৰ মিশ্যন বুনিয়াদৰ হকে ক্ৰিয়েটিভ এছোচিয়েট হিচাপে কাম কৰিছিল আৰু মানৱাধিকাৰ ওপৰত কৰ্মশালা অনুষ্ঠিত কৰাত সংগ্ৰাম, গুৱাহাটীক সহায় কৰিছিল।
উল্লেখ্য যে এগৰাকী মানৱাধিকাৰ কৰ্মী হোৱাৰ উপৰিও সৃষ্টি এগৰাকা কথাকলি নৃত্যশিল্পী। বৃটেইনত এবছৰীয়া স্নাতকোত্তৰ ডিপ্ল’মাৰ বাবে যোৱাৰ সময়ত তেওঁ কথাকলি নৃত্যৰ বাবে প্ৰয়োজনীয় সাজপাৰ আৰু আনুসংগিক সামগ্ৰী লগত লৈছে। কিজানি তাত কথাকলি নৃত্য পৰিৱেশনৰ কিবা সুযোগ ওলায়েই!