শিৱসাগৰ জিলা কৰ্মচাৰী পৰিষদৰ সপ্তবিংশতম দ্বি-বাৰ্ষিক অধিৱেশনৰ সাধাৰণ সভাই গঠন কৰি দিয়া শিৱসাগৰ জিলা কৰ্মচাৰী পৰিষদৰ নতুন কাৰ্যনিৰ্বাহক সমিতিৰ শপত গ্ৰহণ অনুষ্ঠান দেওবাৰে কৰ্মচাৰী ভৱনত অনুষ্ঠিত হয়।
অনুষ্ঠানৰ আৰম্ভণিতে পতাকা উত্তোলন কৰে শিৱসাগৰ জিলা কৰ্মচাৰী পৰিষদৰ সভাপতি বিজয় কৃষ্ণ দত্তই। স্মৃতি তৰ্পণ কৰি অনুষ্ঠান মুকলি কৰে জিলা উপদেষ্টা দিনেশ চন্দ্ৰ কোঁৱৰে।
শপত গ্ৰহণ অনুষ্ঠানত সন্মানীয় অতিথি হিচাপে উপস্থিত থাকে শিৱসাগৰ জিলা উপায়ুক্ত বিষ্ণু কমল বৰা। উপায়ুক্ত গৰাকীয়ে শিৱসাগৰ জিলা কৰ্মচাৰী পৰিষদৰ নতুন কাৰ্যনিৰ্বাহক সমিতিৰ সদস্য সকলক শুভেচ্ছা জনোৱাৰ লগতে জিলাখনৰ উন্নয়ণৰ বাবে সকলোৰে সহযোগিতা কামনা কৰে।
নতুন কাৰ্যনিৰ্বাহক সমিতিৰ সদস্য সকলক শপত বাক্য পাঠ কৰায় ‘নৰ্থইষ্ট বাৰ কাউন্সিলৰ’ সহকাৰী অধ্যক্ষ, ডিব্ৰুগড় উকীল সন্থাৰ সভাপতি তথা উচ্চ ন্যায়ালয়ৰ অধিবক্তা অজিত বৰগোঁহাইয়ে।
অনুষ্ঠানত বিশিষ্ট ব্যক্তি হিচাপে উপস্থিত থাকে ডাঃ উদয়াদিত্য ৰাজকোঁৱৰ, ভাৰতীয় ষ্টেট বেংক শিৱসাগৰ শাখাৰ উপ প্ৰৱন্ধক ত্ৰিদিপ জ্যোতি শইকীয়া, সাপেখাতী খণ্ডৰ শিক্ষা বিষয়া প্ৰণৱ গগৈৰ লগতে বহু গণ্য মান্য ব্যক্তি।
উল্লেখ্য যে শিৱসাগৰ জিলা কৰ্মচাৰী পৰিষদৰ নৱ নিযুক্ত সভাপতি বিজয় কৃষ্ণ দত্ত, উপ সভাপতি ৰাজেন মিলি, বিকাশ চলিহা, দাদুল কোঁৱৰ, ভৰত বৰুৱা, সম্পাদক ভাস্কৰ বিশ্বনাথ, সহকাৰী সম্পাদক হৰেশ দাস, আদিত্য ভট্টাচাৰ্য, নলিনী গোঁহাই, সাংগঠনিক সম্পাদক দিগন্ত বৰুৱা, কুল তামুলী দিলীপ বৰা, কোষাধ্যক্ষ জয়ন্ত বৰা, কাৰ্যনিৰ্বাহক সদস্য সোমনাথ বৰা, বুবু কুমাৰ গগৈকে ধৰি ৪১ জন বিষয়ববীয়া তথা সদস্যই শপত গ্ৰহণ কৰে।
শিৱসাগৰ জিলা কৰ্মচাৰী পৰিষদৰ উপদেষ্টা হিচাপে দীনেশ চন্দ্ৰ কোঁৱৰ, প্ৰমোদ চন্দ্ৰ গোস্বামী আৰু ৰূপজ্যোতি হাজৰিকাক মনোনীত কৰে।
অনুষ্ঠানত শিৱসাগৰ আঞ্চলিক কৰ্মচাৰী পৰিষদৰ নৱ নিৰ্বাচিত ৩১ জন বিষয়ববীয়া তথা সদস্যই শপত গ্ৰহণ কৰে।
শপত গ্ৰহণ অনুষ্ঠানত শিৱসাগৰ জিলা কৰ্মচাৰী পৰিষদৰ প্ৰাক্তন সভাপতি ফুলেশ্বৰ সন্দিকৈ, কমলেশ্বৰ শইকীয়াৰ লগতে বহুকেইগৰাকী প্ৰাক্তন বিষয়ববীয়া উপস্থিত থাকে।