শনিবাৰে ৰাতি শিৱসাগৰ অসামৰিক চিকিৎসালয়ত এক উত্তপ্ত পৰিস্থিতিৰ সৃষ্টি হয়। শিৱসাগৰ আৰক্ষীৰ বিৰুদ্ধে মৃতদেহ চমজাই দিয়াৰ বিনিময়ত মৃতকৰ পৰিয়ালৰ পৰা ধন দাবীৰ অভিযোগ।
ইয়াৰ উপৰি দাবী কৰা ধন দিবলৈ মৃতকৰ পৰিয়ালে অস্বীকাৰ কৰাত কতৰ্বৰত আৰক্ষীয়ে পৰিলায়ৰ লোকক দূৰ্ব্যৱহাৰ কৰাৰো অভিযোগ উঠিছে।
ঘটনা অনুসৰি বকতা নেমুগুৰিৰ মুন্নী গোৱালা নামৰ মহিলা গৰাকীক যোৱা শুকুৰবাৰে নিশা তেওঁৰ পতি বীৰেন গোৱালাই হত্যা কৰিছিল।
লোকজনে নিজৰ পত্নীক ইটাৰে মৰিয়াই পুখুৰীত পেলাই দিছিল। পৰৱৰ্তী সময়ত স্থানীয় লোকে মুন্নী গোৱালাক শিৱসাগৰ অসামৰিক চিকিৎসালয়ত ভৰ্তি কৰে যদিও চিকিৎসালয়তে তেওঁৰ মৃত্যু ঘটে।
চিকিৎসালয়খনৰ সংলগ্ন এটা কোঠাত ৰখা হৈছিল মুন্নী গোৱালাৰ মৃতদেহ।
অভিযোগ মতে কালি সন্ধিয়া মহিলাগৰাকীৰ মৃতদেহ শহুৰেকে চমজি লবলৈ আহোতে চিকিৎসালয়খনৰ চৌহদত থকা আৰক্ষীয়ে তেওঁৰ পৰা ১২ শ টকাৰ উৎকোচ দাবী কৰে।
আৰক্ষীৰ কাণ্ডত চিকিৎসালয়ত উপস্থিত থকা ৰাইজ জাঙুৰ খাই উঠাৰ লগতে আৰক্ষীৰ এনে আচৰণৰ তীব্ৰ প্ৰতিবাদ কৰে। পিছত অৱশ্যে ঘটনাস্থলীত শীৰ্ষ আৰক্ষী বিষয়া হৈ দোষী আৰক্ষীক শাস্তি প্ৰদানৰ আশ্বাস দিয়ে।
আনহাতে, ঘটনা সম্পৰ্কত মুন্নী গোৱালাৰ শহুৰ ডিম্বেশ্বৰ গোৱালাই জয়সাগৰ আৰক্ষী চকীত এখন এজাহাৰ দাখিল কৰিছে।
