ৰাজ্যত এতিয়াও অব্যাহত আছে কোভিড বিধি। ৰাজ্যৰ কেইবাখনো জিলাত এতিয়াও কোভিড পৰিস্থিতি লক্ষ্যণীয় ভাবে উন্নত হোৱা নাই।
এনে সময়তে সান্ধ্যআইন ভংগকাৰীৰ বিৰুদ্ধে অধিক কঠোৰ হৈ পৰিছে শিৱসাগৰ আৰক্ষী।
উল্লেখ্য শিৱসাগৰ জিলাৰ কাষতে আছে ৰেড ডিষ্টিক ডিব্ৰুগড়।
শিৱসাগৰো যাতে ৰেড ডিষ্টিক নহয় তাৰ বাবে শিৱসাগৰ আৰক্ষীয়ে অধিক কঠোৰ পদক্ষেপ গ্ৰহণ কৰিছে।
শেহতীয়াকৈ সেয়ে লকডাউন উলংঘকাৰীৰ বিৰুদ্ধে কঠোৰ হৈ পৰিছে শিৱসাগৰ আৰক্ষী।
লকডাউনৰ সময়ত বিনা কাৰণত ঘূৰি ফুৰা আৰু চাইকেল চলাই থকা প্ৰায় অৰ্ধ শতাধিক ব্যক্তিক আজি সন্ধিয়া আটক কৰে শিৱসাগৰ আৰক্ষীয়ে।
শিৱসাগৰ আৰক্ষী অধীক্ষক ৰাকেশ ৰোছনে আটক কৰে এই লকডাউন উলংঘাকাৰীসকলক।
ডিব্ৰুগড়, তিনিচুকীয়া জিলাৰ দৰে শিৱসাগৰ জিলাও যাতে ৰেড ডিষ্ট্ৰিক হিচাপে পৰিগণিত নহয় তাৰ বাবে শিৱসাগৰ আৰক্ষীৰ এই অভিযান।
উল্লেখ্য যে প্ৰতিদিনে শিৱসাগৰত শতাধিক ব্যক্তি ক’ভিডত আক্ৰান্ত হৈ আছে। তাৰ পিছতো একাংশ দায়িত্বজ্ঞানহীন মানুহে শিৱসাগৰ নগৰত প্ৰতি দিনাই সন্ধ্যা খোজকঢ়াৰ লগতে একাংশই চাইকেল চলাই লকডাউন উলংঘা কৰি আহিছে।
