Six Army officials including two major died পাকিস্তানত হেলিকপ্টাৰ দুৰ্ঘটনাত সেনাৰ দুজন মেজৰসহ ৬জন সেনাৰ লোক নিহত হৈছে। দেশৰ আন্তঃসেৱা জনসম্পৰ্ক বিভাগে এক বিবৃতিত এই কথা জানিবলৈ দিছে।
সেনাই এক বিবৃতিত কোৱা হৈছে যে দেওবাৰে নিশা হাৰনাই জিলাৰ খোস্ত চহৰৰ ওচৰত এক উৰণ অভিযানৰ সময়ত এই দুৰ্ঘটনাটো সংঘটিত হয়। মৃতসকলৰ ভিতৰত হেলিকপ্টাৰৰ দুজন পাইলটো আছে।
অৱশ্যে, কি কাৰণত হেলিকপ্টাৰখন দুৰ্ঘটনাগ্ৰস্ত হ’ল সেয়া সঠিকভাৱে বিবৃতিটোত কোৱা হোৱা নাই। বাতৰি অনুসৰি, হেলিকপ্টাৰখন দুৰ্ঘটনাগ্ৰস্ত হোৱা অঞ্চলটো শেহতীয়া বানপানীৰ কবলত পৰা নাই।
লগতে পঢ়ক: Peta calls for sex strike: মাংস খোৱা পুৰুষৰ সৈতে যৌন সম্ভোগ নকৰিব! মহিলাসকলক অনুৰোধ PETAৰ
ইয়াৰ পূৰ্বে আগষ্ট মাহত পাকিস্তানী সেনাৰ এখন হেলিকপ্টাৰ দুৰ্ঘটনাগ্ৰস্ত হৈছিল। সেই দুৰ্ঘটনাটোতো ছয়জন লোকৰ মৃত্যু হৈছিল। দুৰ্ঘটনাৰ এদিন আগতে হেলিকপ্টাৰখন সন্ধানহীন হৈ আছিল। পিছত ইয়াক মুছা গোথ অঞ্চলত বিধ্বস্ত অৱস্থাত পোৱা গৈছিল। বেয়া বতৰৰ ফলত হেলিকপ্টাৰখন দুৰ্ঘটনাগ্ৰস্ত হোৱাৰ কথা আইএছপিআৰে সদৰী কৰিছিল।