আলফা স্বাধীনৰ শিৱিৰত মোক্ষম আঘাত হানি শুকুৰবাৰে তিনিচুকীয়া জিলাত ছয়গৰাকী আলফা স্বাধীনৰ দুৰ্ধৰ্ষ কেডাৰে সংগঠন ত্যাগ কৰি সেনা-আৰক্ষীৰ ওচৰত আত্মসমৰ্পন কৰে।
আত্মসমৰ্পন কৰা আলফা স্বাধীনৰ কেডাৰ কেইগৰাকী হ’ল ক্ৰমে- আলোক অসম ওৰফে মিণ্টু মৰাণ, বাঘজানৰ মাৰ্ছেণ্ট অসম ওৰফে প্ৰাণজ্যিৎ মৰাণ, ডুমডুমাৰ অৱন অসম ওৰফে ৰাজীৱ মৰাণ, মাকুম বাৰেকুৰিৰ সংযোগ অসম ওৰফে মিলনজ্যোতি মহন্ত, মাকুম ওকানী গাঁৱৰ পূৰণ অসম ওৰফে কল্যাণ বৰুৱা আৰু কাকপথাৰৰ পবিত্ৰ অসম ওৰফে ফমেন মৰাণ।
আত্মসমৰ্পনকাৰী আলফা সদস্য কেইগৰাকীয়ে সেনা-আৰক্ষীৰ ওচৰত আত্মসমৰ্পন কালত বৃহৎ পৰিমাণৰ অস্ত্ৰ-শস্ত্ৰ জমা দিয়ে।
অস্ত্ৰ-শস্ত্ৰ সমূহৰ ভিতৰত চাৰিটা এম কিউ-৮১, দুটা এ কে-৫৬, তেৰটা মেগজিন, দুটা হেণ্ড গ্ৰেণেড আৰু ৩৯৫ জাই সজীৱ গুলী।
উল্লেখযোগ্য যে, অসম আৰু অৰুণাচল সীমান্তত বিশেষকৈ তিনিচুকীয়া জিলাৰ বিভিন্ন অঞ্চলত বিগত সময়ত সেনা-আৰক্ষীয়ে নিষিদ্ধ ঘোষিত সংগঠন সমূহৰ বিৰুদ্ধে চলোৱা বৃহৎ অভিযানৰ ফলতে সম্প্ৰতি আত্মসমৰ্পন কৰি মূল সুতিলৈ উভতি আহিবলৈ আৰম্ভ কৰিছে বিদ্ৰোহী সংগঠন আলফা স্বাধীনৰ কেডাৰসকল।
বৃহস্পতিবাৰেও দুগৰাকী আলফা(স্বা)ৰ সদস্যই তিনিচুকীয়া সেনা-আৰক্ষীৰ ওচৰত আত্মসমৰ্পন কৰিছিল।