ব্ৰিটেইনৰ নতুন প্ৰধানমন্ত্ৰী ঋষি সুনাক সাধাৰণ লোকৰ সৈতে কিদৰে সম্পৰ্কিত হৈ থাকে সেয়া এটা ভাইৰেল ভিডিঅ’ত দেখা গৈছে। প্ৰখ্যাত চেফ সঞ্জয় ৰাইনাই ব্ৰিটেইনৰ নৱ নিৰ্বাচিত প্ৰধানমন্ত্ৰী ঋষি সুনাকৰ সৈতে নিজৰ এটা ভিডিঅ’ শ্বেয়াৰ কৰিছে। ভিডিঅ’টো সামাজিক মাধ্যমত ভাইৰেল হৈ পৰিছে।
ভাইৰেল ভিডিঅ’টোত সঞ্জয় ৰাইনা আৰু ব্ৰিটিছ প্ৰধানমন্ত্ৰী ঋষি সুনকক এটা ভিডিঅ’ কলত বিজয় মামাৰ সৈতে কথা পাতি থকা দেখা গৈছে।
ভিডিঅ’টোত ঋষি সুনাকে বিজয় মামাক ব্ৰিটেইনৰ ১০ ডাউনিং ষ্ট্ৰীটলৈ আহিবলৈ আমন্ত্ৰণ জনাইছে। ১০ ডাউনিং ষ্ট্ৰীট হৈছে ব্ৰিটেইনৰ প্ৰধানমন্ত্ৰীৰ বাসস্থান।
লগতে পঢ়ক: ট্ৰেজেদিত পৰিণত হ’ল হেলোইন উৎসৱ; পদপিষ্ট হৈ নিহতৰ সংখ্যা ১৫১ জনলৈ বৃদ্ধি
চেফ সঞ্জয় ৰাইনাই ঋষি সুনাকৰ ভিডিঅ’টো টুইটাৰত শ্বেয়াৰ কৰিছে আৰু শিৰোনাম দিছে, ‘ভিছা অন এৰাইভেল’ এতিয়া নিশ্চিত হৈছে।
ভাইৰেল ভিডিঅ’টোত চেফ সঞ্জয় ৰাইনাক ব্ৰিটিছ প্ৰধানমন্ত্ৰী ঋষি সুনাকৰ সৈতে দেখা গৈছে। যেতিয়া ঋষি সুনাক আৰু সঞ্জয় ৰাইনাই এটা ভিডিঅ’ কলত বিজয় মামাৰ সৈতে কথা পাতি আছিল তেতিয়া ভিডিঅ’টো ৰেকৰ্ড কৰা যেন লাগিছে।
লগতে পঢ়ক: মহিলাৰ সৈতে ঘনিষ্ঠতা, হানী ট্ৰেপিং চক্ৰৰ কবলত পৰিয়েই আত্মহত্যা কৰ্ণাটকৰ লিঙ্গায়ত ধৰ্মগুৰুৰ!
প্রথমে সঞ্জয় ৰাইনাই কৈছে, ‘মামা, মোৰ সৈতে এনে এজন লোক আছে যি তোমাক হেল্লো ক’ব বিচাৰে। ঋষি সুনাকে কয়, ‘হাই বিজয় মামা! মই ঋষি, আপুনি কেনে আছে? আপুনি মোক চাবলৈ আহিব পাৰে। যেতিয়া আপুনি আহে, আপোনাৰ ভাগিনৰ সৈতে কথা পাতিব। তেওঁ আপোনাক ১০ ডাউনিং ষ্ট্ৰীটলৈ লৈ আনিব।‘
Visa on arrival ab pakka 😊😊#RishiSunak pic.twitter.com/imSIhuEgKB
— Sanjay Raina (@sanjayraina) October 27, 2022
টুইটাৰ ব্যৱহাৰকাৰীসকলে ঋষি সনাকৰ ভাইৰেল ভিডিঅ’ৰ প্ৰতি প্ৰতিক্ৰিয়া ব্যক্ত কৰিছে। এজন ব্যৱহাৰকাৰীয়ে সুধিছে, ‘বিজয় মামা কোন? বিজয় মালিয়া?’
আন এজন ব্যৱহাৰকাৰীয়ে টুইট কৰে যে এতিয়া আমি ভিছা অবিহনে পোনপটীয়াকৈ ব্ৰিটেইনলৈ যাব পাৰোঁ। যদি বিষয়াসকলে আমাক বিমানবন্দৰলৈ যাবলৈ নিদিয়ে আমি ক’ব পাৰোঁ যে ঋষি সুনাক ব্ৰিটেইনৰ প্ৰধানমন্ত্ৰী আৰু আমি তেওঁক ফোন কৰি কথা পাতিবলৈ ক’ব পাৰোঁ।
লগতে পঢ়ক: বিৰল ৰোগত আক্ৰান্ত অভিনেত্ৰী সামান্থা; ছচিয়েল মিডিয়াত শ্বেয়াৰ কৰিলে যন্ত্ৰণাৰ কথা
আনহাতে, আন এজন টুইটাৰ ব্যৱহাৰকাৰীয়ে তেওঁৰ প্ৰতিক্ৰিয়াত লিখিছে, “ঋষি ভাইয়া, উভতি অহাৰ সময়ত বিজয় মামাৰ হাততে কহিনুৰ পঠিয়াওক!’’
