ৰাজ্যৰ প্ৰতিবন্ধী সকলৰ উন্নয়নৰ বাবে কাম কৰা একমাত্ৰ বিভাগটোৱে হৈছে সমাজ কল্যাণ বিভাগ৷
কিন্তু এই বিভাগটোতে দুৰ্নীতি সৰ্বাধিক বুলি অভিযোগ উত্থাপিত হৈছে৷
শিশুৰ পৰা বৃদ্ধালৈ, দিব্যাংগৰ পৰা আৰ্তজনলৈ সকলোকে এই বিভাগৰ দ্বাৰা সহযোগ আগবঢ়াব লাগে যদিও হিতাধিকাৰীক নিজৰ প্ৰাপ্য দিবলৈ বিভাগটোৰ বিষয়া কৰ্মচাৰীয়ে উৎকোচ সংগ্ৰহ কৰে৷
ফলত উৎকোচ দিবলৈ অমান্তি হোৱা লোকে চৰকাৰী আচনিৰ পৰা বঞ্চিত হৈ আহিছে৷ ৰাজ্যৰ বিয়োগাম সমাজ কল্যাণ বিভাগত দুৰ্নীতি যে চলি আছে তাৰ পুনৰ প্ৰমাণ পোৱা গৈছে। বিশেষকৈ দিব্যাংগ সকলৰ আঁচনিৰ নামত কিদৰে একাংশ কৰ্মচাৰীয়ে ধৰ সংগ্ৰহ কৰিছে তাৰেই এক অডিঅ’ ক্লিপ ফাদিল হোৱাৰ পিছতেই ৰাজ্যজুৰি তীব্ৰ প্ৰতিক্ৰিয়াৰ সৃষ্টি হৈছে৷
শেহতীয়াকৈ প্ৰতিবন্ধী সুৰক্ষা সংস্হা অসমৰ সম্পাদক নৃপেন মালাকাৰে তথ্য সহকাৰে অডিঅ ক্লিপতো সমাজ কল্যাণ বিভাগৰ বিভাগীয় মুৰব্বীৰ হাতত জমা দিয়া বুলি জানিবলৈ দিছে৷
মালাকাৰে মঙ্গলবাৰে সংবাদ মাধ্যমৰে হোৱা বাৰ্তালাপত কয়- বিভাগটোৰ একাংশ বিষয়া কৰ্মচাৰীৰ বাবে স্বাধীনতাৰ সাত দশক পিছতে চৰকাৰী আচনিৰ পৰা বঞ্চিত হৈ আহিছে প্ৰকৃত হিতাধিকাৰী৷ অন্যহাতে প্ৰতিবন্ধী আইন ২০১৬ অনুসৰি ৰাজ্যৰ প্ৰতিবন্ধী সকলে নিযুক্তিকে ধৰি সকলো কাম কাজতে ৪ শতাংশ সংৰক্ষণ পাব লাগে যদিও বিভাগৰ হেমাহীৰ বাবে আজিকোপতি চৰকাৰী সা সুবিধাৰ পৰা বঞ্চিত হৈ আহিছে প্ৰতিবন্ধী সকল৷ ইফালে শেহতীয়াকৈ ভাইৰেল হোৱা উক্ত অডিঅ’ ক্লিপটোত ৰিতুৰাজ দাস নামৰ দৃষ্টিহীন যুৱকজনক কামৰূপ জিলাৰ সমাজ কল্যাণ বিভাগৰ তৃতীয় বৰ্গৰ কৰ্মচাৰী মৌচুমী বৰ্মণে বিভাগীয় আঁচনিৰ প্ৰদানৰ নামত ১ হাজাৰ টকা উপঢৌকন বিচাৰিছিল৷”
“পিছত যুৱকজনে অসহায় হৈ সংস্হাৰ লগত যোগাযোগ কৰিছিল৷
ইপিনে সমাজ কল্যাণ বিভাগে উক্ত অডিঅ ক্লিপ লাভ কৰাৰ পিছত তৎকালে কাৰ্য্যকৰী হোৱাকৈ মৌচুমী বৰ্মনক চাকৰিৰ পৰা নিলম্বন কৰিছে৷
কিন্তু মালাকাৰে কয়- অকল তৃতীয় বৰ্গৰ কৰ্মচাৰী গৰাকীকে নহয় জিলা কাৰ্যলয়তোৰ প্ৰতিগৰাকী কৰ্মচাৰী ওপৰত নজৰ ৰাখিব লাগে চৰকাৰে৷”
বিভাগত হৈ থকা এনেবোৰ কাৰ্য শীৰ্ঘে বন্ধ কৰাৰ লগতে বিষয়টোৰহ তদন্তৰ সময়ছোৱাত জিলা সমাজ কল্যাণ বিষয়াগৰাকীক দায়িত্বৰ পৰা আঁতৰাই ৰখাৰ দাবী উত্থাপন কৰে সংগঠনটোৱে৷
কেৱল কামৰূপ জিলাতে নহয়, সঞ্চালকালয়ৰ কাৰ্যলয়ৰ পৰা আৰম্ভ কৰি ৰাজ্যৰ প্ৰতিটো জিলা কাৰ্যলয়তে আচনি প্ৰদানৰ নামত যে বৃহৎ বজাৰ চলি আছে সেয়া নিশ্চিত৷ কামৰূপ জিলাৰ নিচিনা সৰ্ববৃহৎ জিলা এখনত সংঘটিত ঘটনাটোৱে ইয়াকে প্ৰমাণ কৰিছে৷