চৰকাৰী বিদ্যালয়ৰ শিক্ষক হ’বলৈ বিচৰাসকলৰ বাবে CTET (কেন্দ্ৰীয় শিক্ষক যোগ্যতা পৰীক্ষা) অত্যন্ত গুৰুত্বপূৰ্ণ।
অহা ৮ ডিচেম্বৰত অনুষ্ঠিত হ’বলগীয়া এই পৰীক্ষা সম্পৰ্কীয় পাঠ্যক্ৰমৰ পৰা আৰম্ভ কৰি প্ৰশ্ন কাকতৰ উত্তৰ লিখালৈকে কোনবোৰ ভুল কৰিব নালাগে সেয়া আপুনি জনাটো জৰুৰী।
অন্তিম ৫০ দিনত CTET ত উত্তীৰ্ণ হ’বলৈ কেনেধৰণে প্ৰস্তুতি ল’ব?
কেন্দ্ৰীয় মাধ্যমিক শিক্ষা পৰিষদ (চি বি এছ ই)য়ে এই পৰীক্ষা ২০টা ভাষাত অনুষ্ঠিত কৰিব। এই পৰীক্ষাত উত্তীৰ্ণ হোৱাৰ পাছত আপুনি কেন্দ্ৰীয় বিদ্যালয়, নবোদয় বিদ্যালয়কে ধৰি আন চৰকাৰী বিদ্যালয়তো শিক্ষক হ’ব পাৰে।
CTET ত উত্তীৰ্ণ হ’বলৈ প্ৰাৰ্থীসকলে এই পৰীক্ষাত কমেও ৬০ শতাংশ নম্বৰ লাভ কৰাটো অনিবাৰ্য। ইয়াতকৈ কম নম্বৰ পালে আপুনি যোগ্যতা অৰ্জন কৰিব নোৱাৰিব। বিগত কেইবছৰ ধৰি এই পৰীক্ষাত কাট অফ্ বৃদ্ধি পোৱাৰ ফলত পৰীক্ষাটো কঠিন হৈ আহিছে।
CTET ৰ প্ৰস্তুতি চলোৱাসকলে এটা কথা মনত ৰাখিব যে যিটো বিষয়ত আপুনি প্ৰস্তুতি চলাইছে তাক প্ৰতিটো দিশৰ পৰা খৰচি মাৰি চাব। বহুসময়ত কিছুমান বিষয়ত অন্যধৰণেও প্ৰশ্ন আগবঢ়োৱা হয়।
প্ৰস্তুতি চলোৱা প্ৰাৰ্থীসকলে যোৱা বছৰৰ প্ৰশ্নকাকত মিলাই চোৱা, ম’ক টেষ্ট আৰু নিৰ্দ্ধাৰিত কৰি দিয়া পাঠ্যক্ৰমহে এই দুমাহত অনুশীলন কৰিব।
বাৰে বাৰে প্ৰশ্নকাকত অনুশীলনত আপোনাৰ সৰু সৰু ভুলবোৰ স্পষ্ট ৰূপত ধৰা দিব। তদুপৰি, আপুনি অনলাইন টেষ্টৰ জৰিয়তেও প্ৰস্তুতি চলাব পাৰে। অনলাইন টেষ্টৰ জৰিয়তে আপুনি সমস্যাসমূহ সহজতে দূৰ কৰিব পাৰে।
CTET ৰ বাবে আবেদনৰ অন্তিম তাৰিখ ১৮ ছেপ্টেম্বৰ। প্ৰপত্ৰ পূৰণ কৰাৰ পূৰ্বে ইয়াৰ জাননীখন মনযোগ দি পঢ়িব। প্ৰপত্ৰ পূৰণ কৰাৰ সময়ত ভাষা আৰু পৰীক্ষা কেন্দ্ৰৰ নিৰ্বাচন চাই চিতি কৰিব।
CTET ৰ প্ৰথম প্ৰশ্নকাকত প্ৰথম শ্ৰেণীৰ পৰা পঞ্চম শ্ৰেণীৰ শিক্ষক হ’ব বিচৰা প্ৰাৰ্থীসকলৰ বাবে আৰু দ্বিতীয় প্ৰশ্নকাকতখন ষষ্ঠ শ্ৰেণীৰ পৰা অষ্টম শ্ৰেণীৰ শিক্ষক হ’ব খোজা প্ৰাৰ্থীসকলৰ বাবে হয়।
ইয়াৰ প্ৰস্তুতিৰ বাবে সম্পূৰ্ণ পাঠ্যক্ৰম অনলাইনত পঢ়ি অনুশীলন কৰক।
অনলাইন আবেদনৰ অন্তিম তাৰিখ ১৮ ছেপ্টেম্বৰৰ নিশা ১১.৫৯বজালৈকে আছে আৰু ইয়াৰ পাছত আপুনি ২৩ ছেপ্টেম্বৰৰ আবেলি ৩.৩০ বজালৈকে মাছুল জমা দিব পাৰিব।
আনহাতে, অনলাইনত শুধৰণি কৰিবলগীয়া থাকিলে ২৭ ছেপ্টেম্বৰৰ পৰা ৩ অক্টোবৰলৈকে কৰিব পাৰিব।
