ডিজিটেল প্লেটফৰ্মত অভিনয় কৰি বহু বৃহৎ পৰ্দাৰ অভিনেতা-অভিনেত্ৰীয়ে এতিয়া বিপুল খ্যাতি অৰ্জন কৰিবলৈ সক্ষম হৈছে।
অভিনেতাসকলে চিনেমাতকৈ ৱেব ছিৰিজত অভিনয় কৰি অধিক মাননি লাভ কৰিছে। গতিকে ডাঙৰ পৰ্দাৰ শিল্পীসকলৰ মাজত ডিজিটেল প্লেটফৰ্মত কাম কৰাৰ আগ্ৰহ বাঢ়িছে।
আজি আমি ডিজিটেল প্লেটফৰ্মত অভিনয় কৰি সৰ্বাধিক দৰমহা পোৱা কিছুমান অভিনেত্ৰীৰ বিষয়ে জনাম :
গৌহৰ খানঃ গৌহৰ খান বলীউডৰ চিনাকি মুখ। ইতিমধ্যে তেওঁ নিজৰ উৎকৃষ্ট অভিনয়েৰে টিভিৰ দৰ্শকক মন্ত্ৰমুগ্ধ কৰি তুলিছে। বৰ্তমান তেওঁ ডাপুত অভিনয়ৰ জৰিয়তে ৱেব চিৰিজতো নিজৰ স্থান দখল কৰিছে। বৰ্তমান তেওঁ প্ৰতিটো খণ্ডৰ বাবে ৩ লাখ টকা লয়।
সামান্থা ৰুথ প্ৰভু : সামান্থা ৰুথ প্ৰভু এনে এগৰাকী জনপ্ৰিয় দক্ষিণ অভিনেত্ৰী যিয়ে নিজৰ অভিনয়েৰে বলীউডতো স্থান দখল কৰিছে। মনোজ বাজপেয়ীৰ ৱেব চিৰিজ ‘দ্য ফেমিলি মেন’ত অভিনয় কৰি সামান্থা লাইমলাইটলৈ আহে। তেওঁ প্ৰতিটো খণ্ডৰ বাদদ আঠ লাখ টকা লয়।
প্ৰিয়মণিঃ দক্ষিণ চলচ্চিত্ৰ উদ্যোগৰ বিখ্যাত অভিনেত্ৰী প্ৰিয়মণীয়ে শেহতীয়াকৈ ফেমিলি মেন ধাৰাবাহিকত অভিনয় কৰি অপৰিসীম জনপ্ৰিয়তা লাভ কৰিছে। চিনেমাৰ উপৰিও তেওঁ ৱেব ছিৰিজতো সমান দক্ষতাৰে অভিনয় কৰি আছে। অভিনেত্ৰীগৰাকীয়ে এটা খণ্ডৰ বাবে ১০ লাখ টকা লয়।
সুস্মিতা সেন : প্ৰাক্তন মিছ ৱৰ্ল্ড সুস্মিতা সেন কেৱল সৌন্দৰ্য্যৰ বাবেই নহয় ব্যৱহাৰৰ বাবেও প্ৰিয়। হিন্দীৰ বাহিৰেও তেওঁ তামিল আৰু বাংলা ভাষাৰ ছবিত অভিনয় কৰিছে। আৰ্য নামৰ ৱেব চিৰিজখনত অভিনয় কৰি তেওঁ ডিজিটেল প্লেটফৰ্মত আত্মপ্ৰকাশ কৰে। এইবাৰ তেওঁ জিঅ’ চিনেমাছত মুক্তি পোৱা ধাৰাবাহিক তালিত অভিনয় কৰিছিল। এই খণ্ডটোৰ বাবে সুস্মিতাই লয় ২ কোটি টকা।
ৰাধিকা আপ্তে : সৰ্বাধিক উপাৰ্জন কৰা অ’টিটি অভিনেত্ৰী ৰাধিকা আপ্তে।
ৰাধিকাই হিন্দী, বাংলা, মাৰাঠী, তেলেগু, তামিল আৰু মালয়ালম ভাষাৰ ছবিত অভিনয় কৰিছে। শেহতীয়াকৈ তেওঁ মিচেছ আণ্ডাৰ কভাৰ নামৰ এখন ৱেব ছিৰিজত কাম কৰিছিল। ৱেব ধাৰাবাহিকখনৰ এটা খণ্ডত অভিনয় কৰাৰ বাবে ৰাধিকাক ৪ কোটি টকা দিয়া হৈছিল।
