ৰজা চাৰ্লছৰ ৰাজ অভিষেকৰ বাবে আমন্ত্ৰিত একমাত্ৰ ভাৰতীয় শিল্পী সোনম কাপুৰ
ব্ৰিটেইনৰ ৰাণী দ্বিতীয় এলিজাবেথৰ মৃত্যুৰ পিছত তেওঁৰ জ্যেষ্ঠ পুত্ৰ তৃতীয় চাৰ্লছক আনুষ্ঠানিকভাৱে ৰজা হিচাপে ঘোষণা কৰা হৈছে।
এতিয়াৰ পৰা ব্ৰিটেইনৰ ৰজা চাৰ্লছ ফিলিপ আৰ্থাৰ জৰ্জ। ৬ মে’ত ব্ৰিটেইনৰ নতুন ৰজাই কাৰ্যভাৰ গ্ৰহণ কৰা হ’ব। এই উপলক্ষে অহা ৭ মে’ত এক বৃহৎ অনুষ্ঠান অনুষ্ঠিত হ’ব।
লগতে পঢ়ক: লুধিয়ানাত কাৰখানাৰ বিষাক্ত গেছ নিৰ্গত হৈ মৃত্যু ১১জনৰ; অসুস্থ বহুতো, মৃত্যুৰ সংখ্যা বৃদ্ধিৰ আশংকা
এই অনুষ্ঠানত অংশগ্ৰহণ কৰিব চলচ্চিত্ৰ আৰু সংগীত জগতৰ বিশ্ববিখ্যাত তাৰকাসকলে। ইয়াৰ ভিতৰত হলিউডৰ তাৰকা টম ক্ৰুজ, মিউজিকেল গ্ৰুপ ‘দ্য পুচিকেট ডলছ’ আৰু একমাত্ৰ ভাৰতীয় শিল্পী হিচাপে বলীউডৰ তাৰকা সোনম কাপুৰ অন্তৰ্ভুক্ত হ’ব বুলি জানিব পৰা গৈছে।
সোনমে মঞ্চত উপস্থিত হৈ কমনৱেলথ ভাৰ্চুৱেল গায়ক দলক চিনাকি কৰাই দিয়াৰ বাবে এটি পৰিচয়মূলক কথন পৰিবেশন কৰিব।
সোনম স্বামী আনন্দ আহুজা আৰু তেওঁলোকৰ পুত্ৰ বায়ুৰ সৈতে লণ্ডনত থাকে। যদিও এয়া হ’ব সোনমৰ প্ৰথম ৰাজকীয় উপস্থিতি। কিন্তু তালিকাত থকা আন কিছুমানে ইয়াৰ পূৰ্বেও ৰাজকীয় অনুষ্ঠানত অংশ লৈছে।
লগতে পঢ়ক: ৰাস্তাৰ কুকুৰৰ দলে কামুৰি ছিৰাছিৰ কৰি পেলালে মহিলাৰ শৰীৰ; ৰাতিপুৱাই কুকুৰৰ আক্ৰমণত মৃত্যু!
এই সন্দৰ্ভত সোণম কাপুৰে কয়, ‘এই উপলক্ষে কমনৱেলথ ভাৰ্চুৱেল কোৱাৰত যোগদান কৰি মই সন্মানিত অনুভৱ কৰিছো। সংগীত আৰু শিল্পৰ প্ৰতি মহামহিমৰ প্ৰেমক উদযাপন কৰিছো।’