আউমুৱামুৱা: সঁচাকৈয়ে এলিয়েনে পৃথিৱীলৈ মাৰি পঠিয়াইছিলনে এনে পদাৰ্থ!

বিশ্বৰ বিজ্ঞানীসকলে চাৰি বছৰ আগলৈকে ভাবি আছিল যে  পৃথিৱী অভিমুখে তীব্ৰ বেগে গতি কৰা বিশাল শিলাখণ্ডটো কোনো ধূমকেতুৰ অংশ।

হাৱাইত স্থাপন কৰা স্পেছ টেলিস্কোপত সুন্দৰ ভাবে ধৰা পৰা এই ধূমকেতুৰ অংশ বুলি ভবা শিলা খণ্ডকলৈ চাৰি বছৰ পূৰ্বে বিশ্বজুৰি হৈ-চৈৰ সৃষ্টি হৈছিল।

নাছাই সেই পদাৰ্থ বিধৰ নাম ৰাখিছিল 1I/2017 U1  আউমুৱামুৱা। শেহতীয়াকৈ নতুন বছৰৰ আৰম্ভনিতে হাৰ্ভাৰ্ড বিশ্ববিদ্যালয়ৰ অধ্যাপক এভি লোয়েবে তেওঁৰ নৱতম গ্ৰন্থখনত  এইবুলি কৈছে যে ধূমকেতুৰ অংশ বুলি ভবা সেই পদাৰ্থ দৰাচলতে এলিয়েনে বৰ্হিবিশ্বৰ পৰা পৃথিৱীক লক্ষ্য কৰি মাৰি পঠিওৱা কোনো পদাৰ্থহে।

অধ্যাপক লোয়েবে তেওঁৰ Extraterrestrial: The First Sign of Intelligent Life Beyond Earth নামৰ গ্ৰন্থ খনত এই বুলি প্ৰকাশ কৰিছে যে ধূমকেতুৰ অংশ বুলি ভবা সেই পদাৰ্থ মুঠেও প্ৰাকৃতিক পদাৰ্থ নহয়।

সেয়া সৌৰজগতৰ বাহিৰত বাস কৰা এলিয়েনে পৃথিৱীলৈ মাৰি পঠিওৱা পদাৰ্থহে।

হাৰ্ভাৰ্ড বিশ্ববিদ্যালয়ৰ গৱেষকগৰাকীয়ে তেওঁৰ গ্ৰন্থ খনত প্ৰকাশ কৰা এই তথ্যই বিশ্বৰ বিজ্ঞানীসকলক পুনৰ এলিয়েনৰ অস্তিত্বৰ কথা নতুনকৈ ভাবিবলৈ বাধ্য কৰিছে।