স্পেইনে ফিফা বিশ্বকাপ-২০২৬ৰ বাবে দল ঘোষণা কৰিলে। তাৰ পিছতে আৰম্ভ হ’ল তুমুল বিতৰ্ক। কাৰণ, ৯২ বছৰৰ ইতিহাসত প্ৰথমবাৰৰ বাবে স্পেইনৰ বিশ্বকাপ দলত স্থান নাপালে ৰিয়েল মাদ্রিদৰ এজনো ফুটবলাৰে। ইতিমধ্যে স্পেইনৰ প্ৰশিক্ষক লুইছ ডি লা ফুয়েণ্টে এই দলটো নিৰ্বাচনক লৈ ফুটবল জগতত সমালোচনাৰ ধুমুহা সৃষ্টি কৰিছে।
দেখা গৈছে যে প্ৰশিক্ষকে ঘোষণা কৰা ২৬ জনীয়া দলটোত ৰিয়েলৰ তীক্ষ্ণ প্ৰতিদ্বন্দ্বী বাৰ্চিলোনাৰ ৭ জন ফুটবলাৰ আছে। ইয়াৰ উপৰিও আৰ্চেনাল, এথলেটিক ক্লাব আৰু এটলেটিকো মাদ্রিদৰ তিনিজনকৈ খেলুৱৈয়ে সুযোগ লাভ কৰিছে৷ আঘাতৰ পৰা সম্পূৰ্ণৰূপে সুস্থ হৈ উঠা নাই যদিও যুৱ প্ৰতিভা লামিনে ইয়ামালক দলত সুযোগ দিয়া হৈছে।
দলত কোন আছে আৰু কাক বাদ দিয়া হৈছিল?
আটাইতকৈ ডাঙৰ আচৰিত কথাটো হ’ল ইউৰো ২০২৪ বিজয়ী দলটোৰ অধিনায়ক আলভাৰো মৰাটাক দলত অন্তৰ্ভুক্ত কৰা নহ’ল। অৱশ্যে পেড্ৰি, জাভি, পাউ কুবেৰচি, এৰিক গাৰ্চিয়া, ফেৰাণ টৰেছ, ৰড্ৰি, মাইকেল মেৰিনো, মাৰ্টিন জুবিমেণ্ডি, নিকো উইলিয়ামছ আৰু ডানি অলমোৰ দৰে তাৰকাই দলত স্থান লাভ কৰিছে।
কেপ ভাৰ্ডে, চৌদি আৰব আৰু উৰুগুৱেৰ সৈতে গ্ৰুপ এইচত আছে স্পেইন। ১৪ জুনত কেপ ভাৰ্ডেৰ বিৰুদ্ধে বিশ্বকাপৰ অভিযান আৰম্ভ কৰিব স্পেইনে। তাৰ পূৰ্বে ইৰাক আৰু পেৰুৰ বিৰুদ্ধে ৱাৰ্ম আপ মেচ খেলিব।
ফিফা বিশ্বকাপৰ বাবে স্পেইনৰ দল:
গ’লৰক্ষক : উনাই ছিমিওনে, ডেভিদ ৰায়া, জোয়ান গাৰ্চিয়া
ডিফেণ্ডাৰ : মাৰ্ক কুকুৰেলা, পাউ কুবেৰচি, আয়মেৰিক লাপ’ৰ্ট, আলেজান্দ্ৰ’ গ্ৰীমাল্ডো, পেড্ৰ’ প’ৰ’, এৰিক গাৰ্চিয়া, মাৰ্কছ ল’ৰেণ্টে, মাৰ্ক পুবিল
মিডফিল্ডাৰ : জাভি, ৰড্ৰি, পেড্ৰি, মাৰ্টিন জুবিমেণ্ডি, ফেবিয়ান ৰুইজ, এলেক্স বায়েনা, মাইকেল মেৰিনো
ফৰোৱাৰ্ড : লেমিন ইয়ামাল, নিকো উইলিয়ামছ, ডানি অলমো, ফেৰাণ টৰেছ, মাইকেল ভাৰ্জাবাল, জেৰেমি পিনো, বৰ্জা ইগলেছিয়াছ, ভিক্টৰ মুনোজ।
