প্ৰাক্তন মুখ্যমন্ত্ৰী হিতেশ্বৰ শইকীয়াৰ পুত্ৰ অশোক শইকীয়াৰ গ্ৰেপ্তাৰত কংগ্ৰেছে হেঁচা প্ৰয়োগ কৰাৰ অভিযোগ তুলিছে।
কিন্তু এইবোৰ হেঁচা প্ৰয়োগ কৰাৰ কথা নহয়। আমি কাৰোবাক ভয়- ভাবুকি দি দললৈ আনিব লগা হোৱা নাই। উজনি ইতিমধ্যে গেৰুৱা হ’লেই। এইয়া আমাৰ বাবে যথেষ্ট । এই মন্তব্য ৰাজ্যিক বিজেপিৰ সভাপতি ভৱেশ কলিতাৰ।
অশোক শইকীয়াক ইতিমধ্যো NBW দিয়া হৈছিল। কিন্তু তেওঁ আদালতক অসন্মান কৰিছে। সেইহেতুকে গ্ৰেপ্তাৰ হৈছে । বিজেপিয়ে NBW দিব নোৱাৰে। গতিকে বিজেপিৰ ওপৰত অভিযোগ তুলি লাভ নাই বুলি তেওঁ কয়।
দিল্লীত দেওবাৰে অনুষ্ঠিত হৈ যোৱা বিজেপিৰ কাৰ্যনিৰ্বাহকত গ্ৰহণ কৰা গুৰুত্বপূৰ্ণ সিদ্ধান্ত সন্দৰ্ভত অসম ৰাজ্যিক বিজেপিৰ সভাপতি ভৱেশ কলিতাই সোমবাৰে এক সংবামেল অনুষ্ঠিত কৰে।
সংবাদমেল সম্বোধন কৰি প্ৰধানমন্ত্ৰী নৰেন্দ্ৰ মোডীক ধন্যবাদেৰে ওপচাই পেলাই তেওঁ কয়”প্ৰধানমন্ত্ৰী অন্ন সুৰক্ষা যোজঁনা আচঁনিত ৮০ কোটি জনতাক সামৰি লোৱা হৈছে।
জম্মু কাশ্মীৰৰ বাবে ৮০ হাজাৰ কোটি টকাৰ পেকেজ ঘোষণা মোডী চৰকাৰৰ।
দেশৰ সকলো লোককে বিনামূলীয়া ঔষধ দিয়া এক আচঁনি তৈয়াৰ কৰিছিল মোডী চৰকাৰে ইয়াৰ বাবে। ধন্যবাদ সূচক প্ৰস্তাৱ কাৰ্যনিৰ্বাহকত গ্ৰহণ কৰা হয়। ঘৰে ঘৰে বিশুদ্ধ খোৱা পানী যোগানৰ বাবেও ধন্যবাদ জনোৱা হয়।
পেট্ৰ’ল- ডিজেলৰ মূল্য মোডী চৰকাৰে হ্ৰাস কৰাৰ সিদ্ধান্ত গ্ৰহণ কৰাৰ বাবেও ধন্যবাদ সূচক প্ৰস্তাৱ গ্ৰহণ কৰে। উপ নিৰ্বাচনত ৫ খন আসনৰ ৫ খনতে জয়ী হোৱাত ধন্যবাদ কেন্দ্ৰৰ।
বিজেপিৰ যাত্ৰা বিৰামহীন। আমি বহি নাথাকো।২৫ ডিচেম্বৰত সমগ্ৰ ৰাজ্যতে অটল বিহাৰী বাজপেয়ীৰ জন্মদিন উদযাপন কৰা হ’ব।
কলিতাই কয় যে ১২,১৩,১৪ তাৰিখে মুম্বাইত অনুষ্ঠিত হ’ব বিজেপি বিধায়কৰ প্ৰশিক্ষণ শিবিৰ।ডিব্ৰুগড় আৰু শিলচৰক পৌৰসভালৈ পৰিৱৰ্তিত কৰা হৈছে। ইতিমধ্যো কেবিনেটত সিদ্ধান্ত গ্ৰহণ কৰা হৈছে।
পৌৰসভা নিৰ্বাচনৰ বাবে ভৱেশ কলিতাৰ নেতৃত্বত বিজেপি দল সাজু হৈছে। ইতিমধ্যো কাম কাজ আৰম্ভ হৈছে।ভাৰতীয় জনতা পাৰ্টিৰ কোনো এজন বিধায়ক পিছপৰা নহয়। আটাইকেইজন চেঞ্চুৰী মাৰিব পৰা বিধায়ক বুলি কলিতাই মন্তব্য কৰে।
বিজেপি চৰকাৰৰ দিনত শ্বহীদক সন্মান দিয়া হৈছে ।
অসমৰ সৰ্বাংগীন বিকাশৰ বিজেপি চৰকাৰৰ একমাত্ৰ। আৰু সেই কথা বিধায়ক সকলে দেখিছে।
গতিকে বিজেপি দলৰ ফালে মন মেলিছে বুলি তেওঁ মন্তব্য কৰে।
আমাৰ চৰকাৰত ন্যায় সকলোৰে বাবে সমান। হিমন্ত বিশ্ব শৰ্মাৰ নেতৃত্বত বিধায়ক পুঁজি সকলো বিধায়কে পাইছে।
হিমন্ত বিশ্ব শৰ্মাৰ নেতৃত্বত একাংশ বিৰোধী বিধায়কে কাম কৰিবলৈ মন মেলাৰ বাবে আমাৰ লগত যোগাযোগ কৰিছে।বিজেপিয়ে কোনো বিধায়কক ব্লেকমেইলিং কৰা নাই।
