আগন্তুক ২০২১ চনৰ বিধানসভা নিৰ্বাচনৰ প্ৰতি লক্ষ্য ৰাখি কঁকালত টঙালি বান্ধিছে বহু প্ৰাক্তন আৰু বৰ্তমানৰ যুৱ কংগ্ৰেছী।
এই সম্পৰ্কত দলৰ হাইকমাণ্ডে সেউজ সংকেত দিয়াৰ খবৰ আমাৰ হাতত আহি পৰিছে। প্ৰাপ্ত খবৰমতে যুৱ কংগ্ৰেছী সকলৰ এই তৎপৰতাক কেন্দ্ৰ কৰি বহু পুৰণি একাংশ কংগ্ৰেছী এতিয়া চিন্তাত পৰা খবৰ আহি পৰিছে।
প্ৰায় ২৫ জনীয়া যুৱ কংগ্ৰেছৰ এই তালিকাত আছে-মৰাণ সমষ্টিৰ পৰা প্ৰাক্তন সাংসদ তথা কেন্দ্ৰীয় মন্ত্ৰী পবন সিং ঘাঁটোৱাৰৰ পুত্ৰ -প্ৰাঞ্জল ঘাঁটোৱাৰ, জাগীৰোড সমষ্টিত অভিনেত্ৰী বৰষা ৰাণী বিষয়া, আমগুৰি সমষ্টিত প্ৰয়াত অঞ্জন দত্তৰ জীয়ৰী অংকিতা দত্ত, শিৱসাগৰ সমষ্টিত যুৱ কংগ্ৰেছৰ প্ৰাক্তন সাধাৰণ সম্পাদক প্ৰশান্ত গগৈ আৰু শুভ্ৰমিত্ৰ গগৈ।
আনহাতে টীয়ক সমষ্টিত পল্লৱী গগৈ, গুৱাহাটী লোক সভা যুৱ কংগ্ৰেছৰ প্ৰাক্তন সভাপতি, ৰতন বড়োই পশ্চিম গুৱাহাটীৰ পৰা, হাজো সমষ্টিৰ পৰা প্ৰদেশ কংগ্ৰেছৰ মুখপাত্র, অধিবক্তা মৃদুল মালাকাৰ, পাটাছাৰকুছি সমষ্টিৰ পৰা কৃষক মুক্তিৰ প্ৰাক্তন সম্পাদক কংগ্ৰেছৰ কমল কুমাৰ মেধি।
বৰপেটা জিলা কংগ্ৰেছৰ সভাপতি শান্তনু শৰ্মা, দিছ্পুৰ সমষ্টিত মানস বৰা, পূব গুৱাহাটী সমষ্টিত যুৱ কংগ্ৰেছৰ সম্পাদক শান্তনু বৰা, দেৰগাঁও সমষ্টিত জয়ন্ত হাজৰিকা, বোকাখাত সমষ্টিত প্ৰদেশ কংগ্ৰেছৰ সম্পাদক দাদু টায়ে, পূৱ বিলাসীপাৰা সমষ্টিত নুৰ ছাফিকুল ৱাজিদ, ডিফুত প্ৰাক্তন সাংসদ জয়ন্ত ৰংপীৰ পুত্ৰ মংবে ৰংপী।
সৰভোগ সমষ্টিত সম্পাদক ভূপেন দৈমাৰী, মাৰ্ঘেৰিটাত মনোৰঞ্জন বৰগোঁহাই, জোনাইত লখিমপুৰ লোক সভা যুৱ কংগ্ৰেছৰ প্ৰাক্তন সভাপতি ৰনোজ পেগু, ভবানীপুৰত যুৱ কংগ্ৰেছৰ উপসভাপতি ৰাতুল পাটোৱাৰী, জনীয়া সমষ্টিত চলমান খান,নাওবৈছা সমষ্টিত মহিম পায়েং।
লাহৰিঘাঁটত ইমদাদ হুছেইন, শদিয়াত ঋষি চুতীয়া, কাটিগঢ়া সমষ্টিত কংগ্ৰেছৰ সম্পাদক দায়ন হুছেইন আৰু কামৰুল ইছলামৰ মাজত টিকটকলৈ চলিছে তীব্ৰ চৰ্চা।
ইতিমধ্যেই নিখিল ভাৰত কংগ্ৰেছৰ সেউজ সংকেত লাভ কৰি এই সকল কংগ্ৰেছী সমষ্টিসমূহত আৰম্ভ কৰিছে বিভিন্ন কাৰ্য্যসূচী।
