টাটা ষ্টীলৰ প্ৰাক্তন পৰিচালন সঞ্চালক ‘ষ্টীল মেন অৱ ইণ্ডিয়া’ খ্যাত জামছেদ ইৰাণীৰ দেহাৱসান
Steel Man of India Jamshed J Irani passes away টাটা ষ্টীলৰ প্ৰাক্তন পৰিচালন সঞ্চালক ‘ষ্টীল মেন অৱ ইণ্ডিয়া’ হিচাপে জনাজাত জামছেদ জে ইৰাণীৰ দেহাৱসান ঘটিছে। তেওঁ সোমবাৰে নিশা ঝাৰখণ্ডৰ জামছেদপুৰত শেষ নিশ্বাস ত্যাগ কৰে। মৃত্যুৰ সময়ত তেওঁৰ বয়স আছিল ৮৬ বছৰ।
টাটা ষ্টীলে টুইট কৰি তেওঁৰ মৃত্যুত সমবেদনা জ্ঞাপন কৰিছে। টুইটোত লিখিছে, “পদ্মভূষণ বঁটা প্ৰাপ্ত ড০ জামছেদ জে ইৰাণীৰ মৃত্যুত আমি গভীৰভাৱে শোকাভিভূত। তেওঁ ভাৰতৰ ষ্টীল মেন হিচাপে পৰিচিত আছিল। টাটা ষ্টীল পৰিয়াল তেওঁৰ পৰিয়াল আৰু প্ৰিয়জনৰ প্ৰতি গভীৰ সমবেদনা জনাইছো।‘’
লগতে পঢ়ক: মোৰবীলৈ আহিব মোডী! গোটেই নিশা গুজৰাটৰ চিকিৎসালয়ত চলিল চাফাই, ৰং কৰাৰ কাম
মহাৰাষ্ট্ৰৰ নাগপুৰত ১৯৩৬ চনৰ ২ জুনত জন্ম হৈছিল জামছেদ ইৰাণীৰ। তেওঁ ১৯৫৬ চনত নাগপুৰ বিজ্ঞান মহাবিদ্যালয়ৰ পৰা বিএছচি আৰু ১৯৫৮ চনত নাগপুৰ বিশ্ববিদ্যালয়ৰ পৰা ভূবিজ্ঞানত স্নাতকোত্তৰ ডিগ্ৰী সম্পূৰ্ণ কৰে। পিছত টাটা স্কলাৰ হিচাপে তেওঁ ব্ৰিটেইনৰ শ্বেফিল্ড বিশ্ববিদ্যালয়ৰ পৰা পিএইচডি ডিগ্ৰী লাভ কৰে। তেওঁ ১৯৬৮ চনত ভাৰতলৈ উভতি আহে আৰু ৰিচাৰ্ছ এণ্ড ডেভেলপমেন্টৰ সঞ্চালকৰ সহযোগী হিচাপে টাটা ষ্টীলত যোগদান কৰে।
তেতিয়াৰ পৰা তেওঁ ৪৩ বছৰ ধৰি টাটা ষ্টীলৰ সৈতে আছে। তেওঁ ২০১১ চনৰ জুন মাহত টাটা ষ্টীলৰ বোৰ্ডৰ পৰা অৱসৰ লৈছিল। তেওঁৰ নেতৃত্বত টাটা ষ্টীলে ১৯৯০ৰ দশকত নতুন উচ্চতাত উপনীত হৈছিল। ১৯৯২ চনৰ পৰা ২০১১ চনলৈ তেওঁ টাটা ষ্টীলৰ পৰিচালনা সঞ্চালক আছিল।
We are deeply saddened at the demise of Padma Bhushan Dr. Jamshed J Irani, fondly known as the Steel Man of India. Tata Steel family offers its deepest condolences to his family and loved ones. pic.twitter.com/gGIg9JgGMS
— Tata Steel (@TataSteelLtd) October 31, 2022
জামছেদ জে ইৰাণী টাটা গোটৰ কেইবাটাও কোম্পানীৰ পৰিচালক মণ্ডলীতো আছিল। তেওঁক ১৯৯৭ চনত সন্মানীয় নাইটহুড প্ৰদান কৰা হৈছিল। ইয়াৰ আগতে ১৯৯৬ চনত তেওঁ ৰয়েল একাডেমী অফ ইঞ্জিনিয়াৰিঙৰ আন্তৰ্জাতিক ফেলো হয়। ২০০৮ চনত তেওঁ ভাৰত চৰকাৰৰ পৰা ‘লাইফটাইম এচিভমেণ্ট’ বঁটা লাভ কৰে।