বোকাখাতত আজি গ্রেপ্তাৰ হোৱা আব্দুল মজিদ আলি নামৰ এ টি এম চোৰৰ পৰা আৰক্ষীয়ে বৃহৎ পৰিমানৰ চুৰি সামগ্ৰী উদ্ধাৰ কৰিবলৈ সক্ষম হৈছে ৷
উল্লেখযোগ্য যে বোকাখাতৰ এটা এ টি এমত এজন বৃদ্ধ লোকৰ পৰা ধন সৰকাবলৈ চেষ্টা কৰাৰ সময়তে বোকাখাত আৰক্ষীয়ে গ্ৰেপ্তাৰ কৰা চোৰ গৰাকীক দেৰগাওঁলৈ নি সোধপোচ কৰাত এ টি এম চুৰিৰ বহু কথা পোহৰলৈ আহে ৷
ইয়াৰ উপৰি ধৃত আব্দুলৰ দেৰগাঁৱৰ বাসগৃহত তালাচী চলাই আৰক্ষীয়ে সোণৰ আ-অলংকাৰ, মোবাইল ফোন আৰু বহু সামগ্ৰী উদ্ধাৰ কৰে। উদ্ধাৰ কৰা সামগ্ৰী সমূহৰ বজাৰ মুল্য প্ৰায় ৫০ লাখৰো অধিক হ’ব বুলি আৰক্ষীয়ে জনাইছে ৷
তদুপৰি ইয়াৰ আগতে বোকাখাততেই ধৃত আব্দুলৰ মণিবেগৰ পৰা ২৪ খন এ টি এম কাৰ্ড উদ্ধাৰ কৰিছিল বোকাখাত আৰক্ষীয়ে।
