নাগৰিকত্ব (সংশোধনী) আইন (CAA)ৰ বিৰোধিতাৰে শনিবাৰে উত্তাল হৈ পৰে পশ্চিমবংগৰ বিভিন্ন অঞ্চল।
পশ্চিমবংগৰ মুৰ্শিদাবাদ, দক্ষিণ ২৪ পৰগনাকে ধৰি বিভিন্ন অঞ্চলত হিংসাত্মক প্ৰতিবাদৰ পৰিস্থিতিত জনজীৱন স্তব্ধ হৈ পৰে।
ৰাজ্যখনৰ প্ৰতিবাদৰ ৰূপ দেখি মুখ্য মন্ত্ৰী মমতা বেনাৰ্জীয়ে প্ৰতিবাদকাৰী সকলক উদ্দেশ্যি গণতান্ত্ৰিকভাৱে আন্দোলন কৰাৰ বাবে আহ্বান জনাই আইন নিজৰ হাতত তুলি নলবলৈ কয়।
প্ৰতিবাদকাৰী সকলে ৰাজপথত থকা বহু কেইখন বাছত অগ্নিসংযোগ কৰাৰ লগতে ৰে’লপথ অৱৰোধ কৰি ৰে’লগাড়ীকো আক্ৰমণৰ লক্ষ্য কৰি লয়।
উল্লেখযোগ্য যে, ১১ ডিচেম্বৰত নাগৰিকত্ব সংশোধনী বিধেয়কখন ৰাজ্যসভাত গৃহীত হোৱাৰ পাছতে অসমত প্ৰতিবাদে উত্তাল ৰূপ ধাৰণ কৰিছিল।
সমগ্ৰ অসমৰ প্ৰতিবাদক দমণ কৰাৰ বাবে প্ৰশাসনে ইন্টাৰনেট সেৱা বন্ধ কৰি দিয়াৰ লগতে নিৰাপত্তাৰক্ষীৰ গুলীত তিনিজন লোকৰ মৃত্যু হোৱাৰ লগতে লাঠিৰ কোবত এজন লোকৰ মৃত্যু হয়।
