বৰপেটা জিলাৰ চেঙাস্থিত আদৰ্শ বিদ্যালয়ৰ অধ্যক্ষৰ প্ৰহাৰত এগৰাকী কনমাণি ছাত্ৰ আহত হোৱাৰ ঘটনাই অভিভাৱক আৰু অঞ্চলবাসীক চিন্তিত কৰি তুলিছে ৷
বিদ্যালয়খনৰ অধ্যক্ষ বুবুল শৰ্মাৰ মৰেল পুলিচগিৰিত চেঙা অঞ্চলত ব্যাপক প্ৰতিক্ৰিয়াৰ সৃষ্টি হৈছে ৷
ঘটনা সন্দৰ্ভত জানিব পৰা মতে, বৃহস্পতিবাৰে মধ্যহ্ন ভোজনৰ পাছত তৃতীয় শ্ৰেণীৰ এগৰাকী ছাত্ৰই বেঞ্চ ভঙাৰ অভিযোগত বিদ্যালয়খনৰ অধ্যক্ষ বুবুল শৰ্মাই খঙত অগ্নিশৰ্মা হৈ ছাত্ৰজনক অতি নিৰ্মমভাবে প্ৰহাৰ কৰে।
অধ্যক্ষগৰাকীৰ প্ৰহাৰৰ ফলত ছাত্ৰজন আহত হয়।
আনহাতে, ছাত্ৰজনক প্ৰহাৰ কৰাৰ পাছত অধ্যক্ষগৰাকীয়ে দুঘন্টা সময় ছাত্ৰজনক কোঠাত আৱদ্ধ কৰি ৰখা বুলি অভিযোগ উত্থাপিত হৈছে ।
পাছত অভিভাৱক আহি ছাত্ৰজনক চিকিৎসালয়লৈ নি চিকিৎসা কৰায়।
ছাত্ৰৰ ওপৰত মৰেল পুলিচগিৰি দেখুওৱা অধ্যক্ষ গৰাকীৰ বিৰুদ্ধে বিহীত ব্যৱস্থা গ্ৰহণ কৰাৰ দাবী উত্থাপিত হৈছে।
