ল’কডাউন কালীন অৱস্থাত দেশত বৃদ্ধি পাইছে আত্মহত্যাৰ ঘটনা।
ক’ৰ’না প্ৰতিৰোধৰ বাবে দেশজুৰি অব্যাহত থকা ল’কডাউনৰ সময়ছোৱাত দেশত ৩০০ৰো অধিক আত্মহত্যাৰ ঘটনা সংঘটিত হৈছে।
এটা গৱেষক দলে সংগ্ৰহ কৰা তথ্যৰ মতে যোৱা ১৯ মাৰ্চৰ পৰা ২ মে’লৈ দেশত সংঘটিত হৈছে ৩৩৮ টা আত্মহত্যাৰ ঘটনা।
টেকন’লজিষ্ট তাজেশ জি এন আৰু জিণ্ডাল গ্ল’বেল স্কুল অৱ ল’ আমনৰ সহযোগী অধ্যাপক কণীকা শৰ্মাৰ গৱেষণাত পোহৰলৈ আহিছে যে সংক্ৰমিত হোৱাৰ ভয়, নিঃসঙ্গতা, স্বাধীনতাহীনতা আৰু বাধ্যতামূলকভাৱে সুৰাপান বাৰণ কৰাৰ আদি কাৰকৰ বাবে অধিকাংশ আত্মহত্যাৰ ঘটনা সংঘটিত হৈছে।
তেওঁলোকৰ তথ্যত প্ৰকাশ পাইছে যে ৮০ গৰাকী লোকে নিঃসঙ্গতা আৰু ক’ৰ’না সংক্ৰমিত হোৱাৰ ভয়ত, ৫১ গৰাকী প্ৰব্ৰিজত শ্ৰমিক ঘৰলৈ উভতাৰ পথত, ৪৫ জন লোক সুৰাপান ত্যাগ ৩৬ আৰু গৰাকী লোক অনাহাৰ তথা আৰ্থিক সংকটৰ বাবে আত্মহত্যাৰ দৰে চৰম পন্থা গ্ৰহণ কৰিবলৈ বাধ্য হৈছে।
আনহাতে অক’ৰ’না সংক্ৰান্তীয় কাৰকৰ বাবে ২৪ গৰাকীয়ে আত্মহত্যা কৰিছে। আনহাতে ৰেচন সংগ্ৰহৰ বাবে দীৰ্ঘ দূৰত্ব খোজেৰে অতিক্ৰম কৰি আৰক্ষীৰ নিৰ্যাতন লাভৰ পিছত ১১ লোকে এই চৰম পন্থা গ্ৰহণ কৰিছে। ল’কডাউন সম্পৰ্কীয় অপৰাধ কৰি ১২ গৰাকী আৰু ল’কডাউনৰ নিয়ম ভংগৰ শাস্তি ভুগি চিকিৎসা সেৱাৰ অভাৱত পৰি ৩৮ গৰাকী লোকে এই পথ বাচি লৈছে।
ইয়াৰে ৪১ টা আত্মহত্যাৰ ঘটনাৰ কোনো নিৰ্দিষ্ট কাৰণ নাই বুলি প্ৰকাশ কৰিছে গৱেষকৰ দলটোৱে।
