কৰাচী বিশ্ববিদ্যালয়ত আত্মঘাতী বোমাৰুৰ আক্ৰমণ: তিনি চীনা নাগৰিকসহ চাৰিজনৰ মৃত্যু
পাকিস্তানৰ বিচ্ছিন্নতাবাদী গোটৰ এগৰাকী মহিলা আত্মঘাতী বোমাৰুৱে কৰাচী বিশ্ববিদ্যালয়ৰ সৈতে জড়িত কনফুচিয়ছ ইনষ্টিটিউটৰ কৰ্মচাৰী কঢ়িয়াই অনা এখন বাহনৰ ওপৰত আক্ৰমণ কৰি তিনিজন চীনা নাগৰিকসহ চাৰিজন লোকক হত্যা কৰে।
দলটোৰ মুখপাত্ৰ জীয়ন্দ বালোচে টেলিগ্ৰামত ইংৰাজীত প্ৰকাশিত এক বিবৃতিত কয়, “বেলুচ লিবাৰেচন আৰ্মীয়ে কৰাচীত চীনা নাগৰিকৰ ওপৰত আজিৰ আত্মঘাতী বোমাৰুৰ আক্ৰমণৰ দায়িত্ব স্বীকাৰ কৰিছে।”
তেওঁ লগতে কয় যে এই অভিযান এগৰাকী মহিলা উগ্ৰপন্থীৰ সহায়ত কাৰ্যকৰী কৰা হৈছে।
কৰাচী আৰক্ষীয়ে এই আক্ৰমণত তিনিজন চীনা নাগৰিকসহ চাৰিজন লোকৰ মৃত্যু হৈছে বুলি নিশ্চিত কৰিছে।
উল্লেখ্য যে অঞ্চলটোত চীনে বেল্ট এণ্ড ৰোড ইণ্টিটিউয়েটিভৰ অংশ হিচাপে বৃহৎ আন্তঃগাঁথনি প্ৰকল্পত জড়িত হৈ আছে।
চীনৰ এই প্ৰকল্প স্থানসমূহত বেলুচ বিচ্ছিন্নতাবাদীসকলে নিয়মীয়াকৈ আক্ৰমণ কৰা আহিছে।
বিচ্ছিন্নতাবাদীসকলে দীৰ্ঘদিন ধৰি অঞ্চলটোত লাভজনক খনন আৰু শক্তি প্ৰকল্পৰ বিৰুদ্ধে অসন্তুষ্টি প্ৰকাশ কৰি আহিছে।
স্থানীয় লোকসকলে এই প্ৰকল্পসমূহৰ দ্বাৰা কোনো লাভ অৰ্জন কৰা নাই বুলি দাবী কৰি আহিছে বেলুচ বিচ্ছিন্নতাবাদীসকলে।