ন্যায়াধীশসকলৰ মতে, ঘৰুৱা হিংসা প্ৰতিৰোধ আইন, ২০০৫ এতিয়াও সঠিকভাৱে কাৰ্যকৰী হোৱা নাই বুলি উল্লেখ কৰিছে। ফলত বেছিভাগ ক্ষেত্ৰতে ভুক্তভোগীয়ে এই আইনৰ অধীনত সুবিধা লাভৰ পৰা বঞ্চিত হৈ অহিছে। ঘৰুৱা হিংসাৰ বলি হোৱা মহিলাসকলৰ সুৰক্ষা সুনিশ্চিত কৰাৰ বাবে উচ্চতম ন্যায়ালয়ে সাতটা দফাৰ গাইডলাইন জাৰি কৰিছে।
এই সন্দৰ্ভত কেন্দ্ৰীয় চৰকাৰ, ৰাজ্য চৰকাৰ আৰু কেন্দ্ৰীয় শাসিত অঞ্চল চৰকাৰক বিশদ নিৰ্দেশনা জাৰি কৰি উচ্চতম ন্যায়ালয়ে কয় যে ঘৰুৱা হিংসা প্ৰতিৰোধৰ দুই দশক পুৰণি আইনখন সঠিকভাৱে কাৰ্যকৰী কৰা হৈছে নে নাই সেয়া চৰকাৰে যত্ন লোৱা উচিত। যোৱা ২০ মে’ত ন্যায়াধীশ বি ভি নাগাৰাথনা আৰু ন্যায়াধীশ সতীশ চন্দ্ৰ শৰ্মাৰ বিচাৰপীঠে এই নিৰ্দেশনা জাৰি কৰিছে। সেই আদেশৰ বিশদ প্ৰতিলিপি আজি প্ৰকাশ পাইছে। ন্যায়াধীশসকলৰ মতে, ঘৰুৱা হিংসা প্ৰতিৰোধ আইন, ২০০৫ এতিয়াও সঠিকভাৱে কাৰ্যকৰী হোৱা নাই। ফলত বেছিভাগ ক্ষেত্ৰতে ভুক্তভোগীয়ে এই আইনৰ অধীনত সুবিধা লাভ কৰিবলৈ সক্ষম নহয়। এই পৰিস্থিতি শীঘ্ৰে সলনি কৰাটো প্ৰয়োজন। ইয়াৰ বাবে উচ্চতম ন্যায়ালয়ে কেন্দ্ৰ আৰু ৰাজ্য চৰকাৰক সাত দফাৰ নিৰ্দেশনা প্ৰদান কৰিছে।
১/ সুৰক্ষা বিষয়া চিনাক্তকৰণ আৰু নিযুক্তি। মহিলা আৰু শিশু সুৰক্ষা বিভাগৰ বিষয়াসকলক চিনাক্ত কৰি জিলা আৰু তালুকা পৰ্যায়ত নিযুক্তি দিব লাগে।
২) এই সুৰক্ষা বিষয়াসকলৰ নিযুক্তি প্ৰক্ৰিয়া নিৰ্দেশনা জাৰি কৰাৰ ৬ সপ্তাহৰ ভিতৰত সম্পূৰ্ণ কৰিব লাগে। এই নিযুক্তিৰ দায়িত্ব ৰাজ্য আৰু কেন্দ্ৰীয় শাসিত অঞ্চলৰ মুখ্য সচিব আৰু মহিলা আৰু শিশু সুৰক্ষা বিভাগৰ সচিবক অৰ্পণ কৰা হৈছে।
৩) ঘৰুৱা হিংসা প্ৰতিৰোধ আইনৰ অধীনত ভুক্তভোগীয়ে লাভ কৰা সুবিধাসমূহৰ বিষয়ে সজাগতা সৃষ্টি কৰা। কেৱল সাধাৰণ জনতাৰ মাজতে নহয় কেন্দ্ৰ আৰু ৰাজ্য চৰকাৰৰ বিষয়া, আৰক্ষী আৰু স্বাস্থ্যকৰ্মী আৰু ন্যায়পালিকাৰ সৈতে জড়িত সকলোৰে মাজত সজাগতা বৃদ্ধি কৰিব লাগে। জনসংযোগৰ বাবে সংবাদ মাধ্যম ব্যৱহাৰ কৰিব লাগে আৰু পৰিস্থিতি নিয়মীয়াকৈ পৰ্যালোচনা কৰিব লাগে।
৪) ১১ নং ধাৰাত উল্লেখ আছে যে এই আইনখন সফল ৰূপায়ণৰ দায়িত্ব কেন্দ্ৰীয় চৰকাৰৰ ওপৰত। গতিকে কেন্দ্ৰীয় চৰকাৰৰ বিষয়াসকলে নিয়মিতভাৱে কৰ্তব্য পালন কৰিব লাগে।
৫) ধাৰা ৭(ঘ) আৰু ১২ত উল্লেখ আছে যে ঘৰুৱা হিংসাৰ বলি হোৱা লোকসকলক আইনী সুৰক্ষা আৰু বিনামূলীয়া আইনী সাহায্য প্ৰদান কৰিব লাগে। ভুক্তভোগীক সজাগ কৰিব লাগে যাতে ভুক্তভোগীয়ে ইচ্ছা কৰিলে বিনামূলীয়াকৈ আইনী সাহায্য লাভ কৰিব পাৰিব। এই ক্ষেত্ৰত সজাগতা সৃষ্টি কৰাটো জিলা আৰু তালুক পৰ্যায়ৰ সম্পাদকসকলৰ দায়িত্ব।
৬) জিলা আৰু তালুক পৰ্যায়ৰ সম্পাদকসকলে নিৰীক্ষণ কৰিব লাগে যে ভুক্তভোগীক বিনামূলীয়া আইনী সাহায্য প্ৰদানৰ বিষয়টো পৰ্যাপ্তভাৱে প্ৰচাৰ কৰা হৈছে নে নাই।
৭) দশম ধাৰা অনুসৰি ভুক্তভোগীসকলৰ বাবে ‘নাৰি নিকেতন’বা আশ্ৰয় গৃহৰ ব্যৱস্থা কৰাটো প্ৰয়োজনীয়। জিলা আৰু তালুক পৰ্যায়ত এনে ঘৰ পৰ্যাপ্ত পৰিমাণে আছে নে নাই সেয়া দহ সপ্তাহৰ ভিতৰত বিষয়াসকলে নিশ্চিত কৰিব লাগিব।
