শুকুৰবাৰে গোমাংস সৰবৰাহ সম্পৰ্কীয় এক গোচৰৰ শুনানিত অসম চৰকাৰক সমালোচনা কৰে দেশৰ সৰ্বোচ্চ ন্যায়ালয়ে।
উচ্চতম ন্যায়ালয়ে অসম চৰকাৰক সমালোচনা কৰি কয় যে অধিক গুৰুত্বপূৰ্ণ বিষয়ৰ পৰিৱৰ্তে মাংস সৰবৰাহকাৰীৰ ওপৰত গুৰুত্ব আৰোপ কৰিছে ৰাজ্য চৰকাৰে।
ন্যায়াধীশ এ এছ ওকা আৰু উজ্জ্বল ভূঞাৰ বিচাৰপীঠে পেকেটত ভৰোৱা কেঁচা মাংস সৰবৰাহ কৰাৰ অভিযোগত অভিযুক্ত এজন ব্যক্তিক অস্থায়ী সকাহ দিয়াৰ সমান্তৰালভাৱে ৰাজ্য চৰকাৰে গুৰুত্বপূৰ্ণ বিষয়ৰ সলনি গো মাংসত অধিক গুৰুত্ব দিয়া বুলি সমালোচনা কৰে।
বিচাৰপীঠে কয়, ‘গো সৰবৰাহকাৰীৰ পিছত দৌৰি থকাতকৈ আন ভাল কামবোৰ কৰিব লাগে।
উচ্চতম ন্যায়ালয়ে গো মাংস সৰবৰাহকাৰী অভিযুক্তগৰাকীৰ বিৰুদ্ধে থকা অপৰাধমূলক গোচৰ বাতিল কৰি ১৬ এপ্ৰিলত এই গোচৰৰ পৰৱৰ্তী শুনানিৰ দিন নিৰ্ধাৰণ কৰে।
বিচাৰপীঠে কয় দিয়ে যে পেকেটত ভৰোৱা কেঁচা মাংস গো-মাংস নে আন জন্তুৰ মাংস সেইটো চকুৰে চাই চিনাক্ত কৰাটো কঠিন।
“কেৱল চকুৰে চাই এজন ব্যক্তিয়ে কেনেকৈ ক’ব পাৰে যে ই গো-মাংস? খালী চকুৰে চাই সেয়া কোৱা সম্ভৱ নহয়।’ আদালতে এইদৰে কয়।
ইফালে আদালত অভিযুক্তই কয় যে তেওঁ কেৱল পেকেটত ভৰোৱা মাংসখিনি সৰবৰাহহে কৰিছিল। তেওঁ সেই মাংস পেক কৰা নাছিল বা উৎপাদন কৰা নাছিল।
আনহাতে, অসম চৰকাৰে দাবী কৰিছে যে অভিযুক্তই মাংসখিনি বিক্ৰী কৰিছিল। কিন্তু ইয়াৰ উত্তৰত আদালতে কয় যে ‘অনুমতি অবিহনে গো-মাংস বিক্ৰী নিষিদ্ধ কৰা অসম গৰু সংৰক্ষণ আইন’ৰ ৮ নং ধাৰাত এয়া অপৰাধ নহ’বও পাৰে।
ইফালে ৰাজ্য চৰকাৰৰ অধিবক্তাই কয় যে চিনাক্ত কৰিব নোৱাৰাৰ বাবে এটা চেকপইণ্টত মাংসখিনি জব্দ কৰা হৈছিল আৰু ইয়াক ফৰেনছিক পৰীক্ষাৰ বাবে প্ৰেৰণ কৰা হৈছে।
লগে লগে বিচাৰপীঠে কয় যে আমি সেইটোৱেই কৈছো। এজন সাধাৰণ মানুহে চকুৰে চাই মাংস চিনাক্ত কৰিব নোৱাৰে।
এই পৰ্যালোচনাৰ অন্তত উচ্চতম ন্যায়ালয়ে আনুষ্ঠানিকভাৱে অভিযুক্তৰ ্বিৰুদ্ধে থকা অপৰাধমূলক কাৰ্য্যবিধি বাতিল কৰে।
