উচ্চতম ন্যায়ালয়ে ৰাজ্যপালসকলক সোঁৱৰাই দিয়ে যে তেওঁলোক জনসাধাৰণৰ নিৰ্বাচিত প্ৰতিনিধি নহয় আৰু বিধানসভাই গৃহীত সিদ্ধান্তক জবাবদিহি কৰাটো শোভা নাপায়। উচ্চতম ন্যায়ালয়ত মুখ্য ন্যায়াধীশৰ বিচাৰপীঠৰ এই মন্তব্য তাৎপৰ্যপূৰ্ণ বুলি বিবেচিত হৈছে কিয়নো কেন্দ্ৰত থকা বিজেপি চৰকাৰৰ প্ৰতিনিধি আৰু প্ৰায় প্ৰতিখন অ-বিজেপি শাসিত ৰাজ্য চৰকাৰৰ ৰাজ্যপালৰ মাজত সংঘাত শেহতীয়াকৈ তীব্ৰ হৈ পৰিছে।
সোমবাৰে মুখ্য ন্যায়াধীশ ডি ৱাই চন্দ্ৰচুড়ৰ নেতৃত্বত গঠিত বিচাৰপীঠে পৰ্যবেক্ষণ কৰে যে বিষয়টো আদালতত পোৱাৰ পূৰ্বে ৰাজ্যপালৰ বিধায়িনী দলে গৃহীত কৰা সিদ্ধান্তসমূহ চূড়ান্ত কৰিব লাগে।
পঞ্জাৱত ৰাজ্যপাল তথা বিজেপিৰ প্ৰাক্তন নেতা বানোৱৰীলাল পুৰোহিতৰ সৈতে ভগৱন্ত সিং মান চৰকাৰৰ সংঘাত তীব্ৰ হৈ পৰিছে। বিধানসভাই গৃহীত কৰা কেইবাখনো বিধেয়ক কোনো সিদ্ধান্ত অবিহনে ওলোমাই ৰখাৰ পিছত উচ্চতম ন্যায়ালয়ত আবেদন জনায় ৰাজ্য চৰকাৰে।
লগতে পঢ়কঃ তথ্য গাপ দিয়াৰ প্ৰয়াস! জল ব্যৱস্থাপনাৰ মূল প্ৰতিবেদন বন্ধ কৰাৰ কথা চিন্তা কৰিছে নিটি আয়োগে
মুখ্য ন্যায়াধীশ চন্দ্ৰচুড়ে কালি গোচৰটো উত্থাপন হোৱাৰ পিছত কয় যে কেৰেলা আৰু তামিলনাডু চৰকাৰেও ৰাজ্যপালগৰাকীৰ বিৰুদ্ধে একে অভিযোগত গোচৰ ৰুজু কৰিছে। তাতো ৰাজ্যপাল আৰু ৰাজ্য চৰকাৰৰ সংঘাতৰ শিখৰত উপনীত হৈছে৷ চৰকাৰে গৃহীত কৰা বিধেয়ক স্থগিত ৰাখিছে ৰাজ্যপালসকলে।
মুখ্য ন্যায়াধীশগৰাকীয়ে কয়- ৰাজ্যপালসকলে অলপ আত্ম-বিচাৰ কৰাটো প্ৰয়োজন। তেওঁলোকে মনত ৰখা উচিত যে ৰাজ্যপালজন কোনো নিৰ্বাচিত প্ৰতিনিধি নহয়। বিধানসভাই যদি কোনো সিদ্ধান্ত লয় তেন্তে তাক গুৰুত্ব দিয়াটো গুৰুত্বপূৰ্ণ।”
ইপিনে, ৰাজ্যপালৰ হৈ আদালতত উপস্থিত থাকে ছলিচিটৰ জেনেৰেল তুষাৰ মেহতাই। মুখ্য ন্যায়াধীশৰ বিচাৰপীঠে গোচৰৰ শুনানিৰ পৰৱৰ্তী তাৰিখ ১০ নৱেম্বৰত নিৰ্ধাৰণ কৰিছে। ৰাজ্যপালে কি সিদ্ধান্ত লৈছে তাৰ চূড়ান্ত প্ৰতিবেদন সেইদিনা তেওঁৰ সন্মুখত দাখিল কৰা হ’ব।
লগতে পঢ়কঃৰে’লযোগে ভূটান যোৱাৰ বাট মুকলি! শীঘ্ৰেই আৰম্ভ হ’ব জৰীপৰ কাম, ৰজা ৱাংচুকৰ সন্মতি
উল্লেখ্য যে নিৰ্বাচিত হোৱাৰ পিছত ভগৱন্ত সিং মানৰ নেতৃত্বত আম আদমি পাৰ্টি চৰকাৰে বিধানসভাত মুঠ ২৭খন বিধেয়ক গৃহীত কৰে। ইয়াৰে ২২খন ৰাজ্যপাল বানোৱৰীলালে ক্লিয়াৰেন্স দিয়ে যদিও ৫টা বিষয়ত সিদ্ধান্ত স্থগিত ৰাখিছে।
