ন-বিজেপি সুশান্ত বৰগোহাঁই, যিয়ে পুৰণি বিজেপি কুশল দুৱৰীৰ পাখি কাটি নিজে বিজেপিৰ পৰা টিকট লৈ বিধায়ক প্ৰাৰ্থী হিচাপে উপ নিৰ্বাচনত অৱতীৰ্ণ হ’ল।
ৰাজনীতি কি এইজনৰ পৰা শিকক তথা কেনেকৈ এটা দলৰ নীতি-আদৰ্শ জলাঞ্জলি দি আন এটা দললৈ জঁপিয়াই দুদিনতে কেনেকৈ টিকট ল’ব পৰা যায় সেয়া এইজনৰ পৰা শিকক।
কিন্তু এইজন ন-বিজেপি সুশান্ত বৰগোহাঁইয়ে উপ নিৰ্বাচনৰ ভোটগ্ৰহণৰ দিনা কৰা এক মন্তব্যই অন্য বিধায়কৰ বাবে যেন চিন্তাৰ কাৰণ হৈ পৰিছে।
সঁচা অৰ্থত মুখ্যমন্ত্ৰী হিমন্ত বিশ্ব শৰ্মাৰ এক স্বৰূপ উদঙালে সুশান্তই।
“কোনো কাম সিজিবলৈ মুখ্যমন্ত্ৰীৰ ঘনিষ্ঠ হ’বই লাগিব”
এই কথাই যেন সম্পূৰ্ণ স্পষ্ট হৈ পৰিল ন-বিজেপি সুশান্তৰ মুখৰ পৰা।
বৰগোহাঁইৰ মতে —মুখ্যমন্ত্ৰীৰ ঘনিষ্ঠ বিধায়ক হ’লেই অসাধাৰণ উন্নয়ন কৰিব সুশান্তই।
অন্য বিধায়কে নাপাব এই সুযোগ।
পুনৰ এবাৰ প্ৰমাণিত হ’ল বিজেপিৰ ভিতৰচ’ৰাৰ বিসম্বাদ।
নিজৰ সমষ্টি জাকত-জিলিকা কৰিবলৈ হিমন্ত ফৈদৰ হ’বই লাগিব বিধায়কজন।
সুশান্ত বৰগোহাঁইৰ এই মন্তব্যই যেন বিজেপিৰ সবকা সাথ সবকা বিকাশ নীতিত কুঠাৰঘাত কৰিলে।
মুঠৰ ওপৰত এটা কথাই প্ৰমাণিত হ’ল যিসকল বিজেপি বিধায়ক মুখ্যমন্ত্ৰী ড০ শৰ্মা ফৈদৰ নহয় বা যিসকল বিৰোধী বিধায়ক সেইসকলক এলাগী কৰি উন্নয়নৰ পুঁজি আৰু আঁচনিৰ ধন কমকৈ দিয়া হ’ব।
এই ভাষ্যই যেন প্ৰকাশ পাইছে বিজেপি প্ৰাৰ্থী সুশান্ত বৰগোহাঁইৰ মুখেৰে।আকৌ এবাৰ প্ৰমাণিত হ’ল সম উন্নয়ন সম বিকাশ নীতি হেৰাই গ’ল ৰাজনীতিৰ পৰা।
মুখ্যমন্ত্ৰী মহোদয় আপোনাকে সুধিছো,সুশান্ত বৰগোহাঁইয়ে কোৱা কথাষাৰ সঁচা নেকি?
