Suspected bank robber rescued from tunnel ভেটিকান চহৰৰ সমীপত এটা খহি পৰা সুৰংগৰ পৰা এজন ইটালিয়ান লোকক উদ্ধাৰ কৰা হৈছে। আৰক্ষীয়ে তেওঁ বেংক ডকাইতিৰ বাবে যোৱাৰ সন্দেহ কৰিছে।
অগ্নিনিৰ্বাপক বাহিনীয়ে তেওঁক আঠ ঘণ্টা ধৰি চেষ্টা চলাই এটা ৰাস্তাৰ তলৰ পৰা উদ্ধাৰ কৰাৰ পিছত এতিয়া চিকিৎসালয়ত আৰোগ্য হৈ উঠিছে।
কিন্তু তেওঁ এতিয়া আৰু অধিক সমস্যাত পৰিবলগীয়া হৈছে কিয়নো আৰক্ষীয়ে তেওঁক আৰু আন এজন ব্যক্তিক ৰাজহুৱা সম্পত্তিৰ ক্ষতি কৰাৰ বাবে গ্ৰেপ্তাৰ কৰিছে।
আৰক্ষী বিষয়াসকলে ধাৰণা কৰিছে যে তেওঁ বেংকত ডকাইতি কৰিবলৈ চেষ্টা কৰা এটা দলৰ অংশ আছিল।
বাতৰি অনুসৰি, “এজন চৰকাৰী বিষয়াক বাধা” দি ঘটনাস্থলীৰ পৰা পলাই যাবলৈ চেষ্টা কৰা আন দুজন লোকক গ্ৰেপ্তাৰ কৰা হৈছে।
লগতে পঢ়ক: Salman Rushdie: অস্ত্ৰোপচাৰৰ পিছত ‘লাইফ ছাপোৰ্ট’ত ছলমান ৰুশ্বডি; অৱস্থা সংকটজনক
সুৰংগটো খহি পৰাৰ আগতে চাৰিজন লোকৰ তিনিজন পলাই যাবলৈ সক্ষম হয় যদিও আনজন লোক ছয় মিটাৰ তলত আৱদ্ধ হৈ পৰে।
নতুনকৈ ভাড়া লোৱা দোকানৰ কাষত আৰম্ভ হোৱা সুৰংগটো এমূৰে দুই পাৰৰ সৈতে সংলগ্ন আছিল।
স্থানীয় সংবাদ মাধ্যমসমূহে উল্লেখ কৰে যে ১৫ আগষ্টৰ পূৰ্বে দীঘলীয়া সপ্তাহান্তৰ বন্ধৰ সময়ত যেতিয়া চহৰখনৰ বেছিভাগ অংশ খালী হৈ পৰে তেনে সময়তে এটা বেংকৰ ওচৰত সুৰংগটো পোৱা গৈছে।
লগতে পঢ়ক: আমেৰিকা যুক্তৰাষ্ট্ৰৰ প্ৰাক্তন ৰাষ্ট্ৰপতি ডোনাল্ড ট্ৰাম্পৰ ঘৰৰ পৰা অতি গোপন নথিপত্ৰ জব্দ FBIৰ
মিচেল নামৰ এগৰাকী স্থানীয় বাসিন্দাই কয় যে কি ঘটিছে সেই বিষয়ে আৱাসীসকলৰ কোনো ধাৰণা নাছিল। কিয়নো “আমি সকলোৱে ভাবিছিলো যে তাত থকা লোকসকলে ঠাইখনৰ পুনৰ নিৰ্মাণৰ কাম কৰি আছে।”
