হাজোৰ চৰকাৰী গ্ৰেজিঙ ৰিজাৰ্ভত শেহতীয়াকৈ ন ন গাঁও সাজিছে একাংশ সন্দেহজনক লোকে।
এদেও দুদেও কৰি লোটা নিয়াৰ চেও দি বিস্তাৰিত হৈছে সন্দেহজনক লোকৰ গাঁও।
হাজোৰ সভ্যতা সংস্কৃতিৰ প্ৰতি ভাবুকিৰ সৃষ্টি কৰি দোকানীয়া গ্ৰেজিঙ ৰিজাৰ্ভৰ ২২ হাজাৰ বিঘা চৰকাৰী ভূমি দখল কৰিছে একাংশ সন্দেহ জনক লোকে।
দৈনিক তালি টোপোলা বান্ধি ক’ৰ পৰা আহিছে এই সকল সন্দেহজনক নাগৰিক?
সন্দেহজনক নাগৰিকৰ উপদ্ৰৱৰ বাবে স্থানীয় গো মহ পালকৰ হাহাকাৰ অৱস্থা! বছৰ বছৰ ধৰি এই ৰিজাৰ্ভত গো মহ পালন কৰি থকা এই সকল থলুৱা গো পালকৰ গৰু মহ চুৰি কৰি উপদ্ৰৱ সন্দেহজনক নাগৰিকৰ।
আমাৰ হাতত পৰা তথ্য অনুসৰি এই সকল সন্দেহ জনক লোকক সংস্থাপনৰ আঁৰত আছে এটা শক্তিশালী চক্ৰ!
অভিযোগ অনুসৰি ধনৰ বিনিময়ত এই সকল সন্দেহজনক লোকক চৰকাৰী ভূমি দখলৰ অনুমতি দিছে একাংশ স্থানীয় দালালে।
কিন্তু বছৰ বছৰ ধৰি চৰকাৰী ভূমিত বে-দখল কৰি উপদ্ৰৱ চলোৱা এই সন্দেহজনক নাগৰিকৰ বিৰুদ্ধে উচ্ছেদ কেতিয়া?
কেৱল হাজোতেই নহয়, অসমৰ একাধিক অঞ্চলত চৰকাৰী ভূমি বে দখল কৰি এই সন্দেহ জনক লোকসকলে ভয়াৱহ আগ্ৰাসন চলাইছে অসমৰ ভূমিত।
অসমৰ কৃষ্টি সংস্কৃতি সভ্যতাৰ প্ৰতি ভাবুকিৰ সৃষ্টি কৰা এই সকল লোকক কোনে দিছে ৰক্ষণাবেক্ষণ সেয়া এক কোটিটকীয়া প্ৰশ্ন হৈ পৰিছে।