টাই আহােম যুৱ পৰিষদ অসমৰ কামৰূপ মহানগৰ জিলা সমিতিয়ে আজি কাজিৰঙাৰ কাষৰীয় অগৰাতলি আৰু বেলগুৰি গাঁৱত বানাক্ৰান্ত ৰাইজক বান সাহায্য প্রদান কৰে।
টাই আহােম যুৱ পৰিষদ কেন্দ্রীয় সমিতিৰ প্ৰচাৰ সম্পাদক গুণকান্ত গগৈ, কামৰূপ জিলাৰ সমিতিৰ সভাপতি অজিত দেউঘৰীয়া আৰু যুটীয়া সম্পাদক বিজয় সন্দিকৈৰ নেতৃত্বত অহা কামৰূপ জিলাৰ সঁজাতীৰ দলটোৰ লগত কেন্দ্রীয় সমিতিৰ সম্পাদক মৃদুল বাইলুং ফুকন আৰু সহঃ সম্পাদক শ্যামন্ত গগৈয়ে অংশ গ্ৰহণ কৰে ৷
টাই আহােম যুৱ পৰিষদৰ কেন্দ্রীয় সম্পাদক মৃদুল বাইলুং ফুকনে কাজিৰঙা অগৰাতলীৰ বেলগুৰিৰ মথাউৰিৰ ওপৰত আশ্ৰয় লৈ থকা বানত জৰ্জৰিত ৰাইজক খাদ্য সামগ্রী বিতৰণ কৰে।
দলটোৰ প্রচাৰ সম্পাদক গৰাকীয়ে সংবাদমাধ্যমৰ জৰিয়তে কয় যে অগৰাতলীৰ ৰাইজক প্রশাসনৰ ফালৰ পৰা পর্যাপ্ত অত্যাৱশ্যকীয় সা-সামগ্রী প্ৰদান কৰা হোৱা নাই। গতিকে অতি শীঘ্ৰে সাহায্য সামগ্রী, প্রয়োজনীয় স্বাস্থ্যসেৱা মুকলি কৰি দিবৰ বাবে পৰিষদৰ তৰফৰ পৰা বোকাখাত মহকুমা প্রশাসনক দাবী জনাইছে ।
তাৰোপৰি টাই আহােম যুৱ পৰিষদ, অসমৰ তৰফৰ মুখ্য মন্ত্রী আৰু কৃষি মন্ত্রীক বানপীড়িত লােকসকলৰ পুনৰ সংস্থাপনৰ বাবে বিশেষ পুজি আবণ্টন কৰিবৰ বাবে দাবী জনায়। লগতে অসমৰ বান সমস্যাক ৰাষ্ট্ৰীয় সমস্যা হিচাপে স্বীকৃতি প্রদান কৰিবৰ বাবে কেন্দ্রীয় চৰকাৰক অনুৰোধ জনায়।
