মানৱ শৰীৰৰ অন্যতম গুৰুত্বপূৰ্ণ আৰু সংবেদনশীল অংগ হৈছে চকু। যি পোহৰাইতোলে ধৰাক। গতিকে ইয়াৰ যত্ন লোৱাটো অত্যন্ত প্ৰয়োজনীয়। বৰ্তমানৰ অসংহত জীৱনশৈলীৰ ফলত আজিকালি কম বয়সতে চকুৰ দৃষ্টিশক্তি দুৰ্বল হ’বলৈ ধৰিছে। চকু শুকান হোৱা, জ্বলা-পোৰা কৰা, ৰঙা হোৱা, চকু পানী ওলোৱা আদি সমস্যাই দেখা দিছে। এই সমস্যাবোৰ যদি আওকাণ কৰি সঠিক যত্ন লোৱা নহয়, তেন্তে ই গ্ল’ক’মা, কেটাৰেক্ট আদিকে ধৰি গুৰুতৰ সমস্যাৰ সৃষ্টি কৰিব পাৰে। চকুৰ এই গুৰুতৰ সমস্যাসমূহৰ পৰা বাচি থাকিবৈ কি কি উপায় অবলম্বন কৰিব জানো অহক-
স্ত্ৰীণৰ সময় কমাওক
আজিকালি শিশু-প্ৰাপ্তবয়স্ক সকলোৱে ঘণ্টাৰ পিছত ঘণ্টা মোবাইল, লেপটপ, টিভি আদি ব্যৱহাৰ কৰে, যাৰ বেয়া প্ৰভাৱ চকুত পৰে। গতিকে স্ত্ৰীণৰ সময় কমাব লাগে। যদি প্ৰয়োজনীয় কাম থাকে, তেন্তে প্ৰতি ২০ মিনিটৰ মূৰে মূৰে ২০ চেকেণ্ডৰ বাবে দূৰৰ কিবা এটা চাওক আৰু চকু টিপিয়াই লওক। শিথিল হ’বলৈ হাতৰ তলুৱা চকুৰ ওপৰত ৰাখিব।
ছানগ্লাছ পিন্ধক-
সূৰ্যৰ ৰশ্মিয়ে কেৱল লগতে চকুৰো ক্ষতি কৰে। বহুতেই সূৰ্যৰ তীব্ৰ পোহৰত ছানগ্লাছ নোপিন্ধাকৈ ওলাই যায়, যাৰ ফলত চকুত সমস্যা হয়। এতেকে, বাহিৰলৈ ওলোৱাৰ সময়ত ছানগ্লাছ পিন্ধা বা ছাতি লগত ৰাখা উত্তম।
শৰীৰ হাইড্ৰেট কৰি ৰাখক-
যথেষ্ট পৰিমাণে পানী নাখালে সমগ্ৰ শৰীৰৰ লগতে চকুৰো ক্ষতি হয়। চকু শুকান হৈ পৰে। যদি পানী কম খোৱাৰ অভ্যাস আছে, তেন্তে মাখন, নেমু পানী, ফলৰ ৰস আদি খাব পাৰে।
সঠিক খাদ্য গ্ৰহণ কৰক-
আজিকালি বহুলোকে পুষ্টিকৰ খাদ্য নাখায়, যাৰ ফলত চকুৰ সমস্যা হয়। চকুৰ বাবে জিংক, ভিটামিন এ, লুটিন, ওমেগা ৬ ফেটি এচিড আদি উপাদানৰ প্ৰয়োজন। এইবোৰ উপাদান থকা খাদ্য যেনে বিলাহী, মাছ, কণী, আলমণ্ড, কমলা, আঙুৰ আদি খাদ্য তালিকাত অন্তৰ্ভুক্ত কৰা উচিত।
সঠিক টোপনি লওক-
আধুনিক জীৱনশৈলীৰ বাবে মানুহে প্ৰায়ে দেৰিলৈকে জগি থাকে, যাৰ বেয়া প্ৰভাৱ চকুত পৰে। ইয়াৰ ফলত বহুতো সমস্যাও দেখা দিব পাৰে। নিশা ১০ বজাৰ ভিতৰত শুই পৰা আৰু ৭-৮ ঘণ্টা নিদ্ৰা কৰা উচিত।
এই সৰু পৰিবর্তনবোৰ গ্ৰহণ কৰিলে চকুৰ বিভিন্ন সমস্যাৰ পৰা ৰেহাই পাব পাৰি। ইয়াৰো এনে কোনো চকুৰ সমস্যাত ভোগিলে পলম নকৰি চিকিৎসকৰ পৰামৰ্শ ল’ব লাগে।
