তামিলনাডুৰ এখন মালবাহী ৰে’লৰ পিছফালে খুন্দা মৰাৰ ফলত মহীছুৰু-দ্বাৰভংগা বাগমতী এক্সপ্ৰেছত কমেও ১৯ জন আহত হয়। এতিয়ালৈকে কোনো লোক হতাহতিৰ খবৰ পোৱা নাই। শুকুৰবাৰে সন্ধিয়া এই দুৰ্ঘটনাত কমেও ১৩টা ডবা ৰেলপথৰ পৰা ওলাই যায়। জানিব পৰা মতে এই দুৰ্ঘটনাত এক্সপ্ৰেছ ট্ৰেইনখনৰ দুটা ডবাত অগ্নিকাণ্ড সংঘটিত হয়। শনিবাৰে পুৱা আৱদ্ধ যাত্ৰীসকলক বিশেষ ৰে’লেৰে গন্তব্যস্থানলৈ লৈ যোৱা হয়। আহতসকলক চিকিৎসালয়ত ভৰ্তি কৰোৱা হৈছে।
দুৰ্ঘটনাটোৰ পিছত সেই লাইনত ৰেলৰ চলাচল স্বাভাৱিকতে বন্ধ হৈ পৰে। পৰিস্থিতি ক্ষিপ্ৰতাৰে স্বাভাৱিক কৰাৰ কাম আৰম্ভ হৈছে। ড্ৰ’নৰ ফুটেজত দেখা গৈছে যে ক্ষতিগ্ৰস্ত বগিবোৰে অঞ্চলটোত ক্ষতি কৰিছে।
ঘটনা অনুসৰি শুকুৰবাৰে মহীচুৰুৰ পৰা বিহাৰৰ দ্বাৰভংগালৈ গৈ আছিল যাত্ৰী বাগমতী এক্সপ্ৰেছ। থিৰুভাল্লুৰ সমীপৰ কাৱৰাপেট্টাই ষ্টেচনত এখন মালবাহী ৰেল ৰৈ গ’ল। তীব্ৰ বেগেৰে আহি বাগমতী এক্সপ্ৰেছখনে পিছফালৰ পৰা মালবাহী গাড়ীখনত খুন্দা মাৰিলে। নিশা প্ৰায় ৮:৩০ বজাত দুখন ৰে’লৰ সংঘৰ্ষত জুই লাগে। আতংকিত হৈ পৰিল যাত্ৰীসকল। অৱশ্যে ক্ষতিগ্ৰস্ত কোঠাৰ ৯৫ শতাংশ যাত্ৰী নিৰাপদ বুলি ৰে’লৱে অৱগত কৰে। তামিলনাডুৰ মুখ্যমন্ত্ৰী এম কে ষ্টেলিনে নিজেই কয় যে তেওঁ সমগ্ৰ বিষয়টো চোৱা-চিতা কৰিছে। উপ-মুখ্যমন্ত্ৰী ষ্টেলিনপুত্ৰ উদয়নিধিয়ে ষ্টেলিন ষ্টেলিন মেডিকেল কলেজ পৰিদৰ্শন কৰি আহত যাত্ৰীসকলক সাক্ষাৎ কৰে। পৰৱর্তী ৰে’লত উঠা পৰ্যন্ত সুস্থ যাত্ৰীসকলক পানী, খাদ্য আৰু অন্যান্য সেৱা অবিৰতভাৱে প্রদান কৰা হৈছে বুলিও প্রশাসনে অৱগত কৰিছে৷
শেহতীয়াকৈ এনে দুৰ্ঘটনা বাৰে বাৰে সংঘটিত হোৱা দেখা গৈছে। ফলত পুনৰ ৰেলযোগে যাতায়তৰ নিৰাপত্তাক লৈ বহু লোক চিন্তিত হৈ পৰিছে। প্ৰশ্ন উত্থাপন হয় যে কিয় এনেকুৱা হ’ল। চিগনেলৰ সমস্যা নে বাগমতী এক্সপ্ৰেছৰ অত্যধিক গতিৰ বাবে ইমান ডাঙৰ দুৰ্ঘটনা? ৰেলৱেৰ বিষয়াসকলে তদন্ত অব্যাহত ৰাখিছে।
