পশ্চিমীয়া সংগীত সাম্ৰাজ্যৰ অন্যতম সম্ৰাজ্ঞী টেইলৰ চুইফট। ১২ টাকৈ গ্ৰেমী বঁটাৰ অধিকাৰী সংগীতশিল্পীগৰাকীৰ আৰু কোনো পৰিচয়ৰ প্ৰয়োজন নাই। সংগীতৰ সাগৰত মিঠা বতাহৰ দৰে তেওঁৰ কণ্ঠ।
যোৱা বছৰৰ ১৭ মাৰ্চৰ পৰা টেইলৰে আৰম্ভ কৰিছিল মাৰাথন কনচাৰ্ট ‘দ্য ইৰাছ ট্যুৰ’। অহা বছৰৰ ১৭ আগষ্টলৈকে চলি থাকিব। টেইলৰে এবছৰতকৈও অধিক সময়ৰ ভ্ৰমণত পাঁচখন মহাদেশত ১৩১টা শ্ব’ কৰাৰ পৰিকল্পনা কৰিছে।
২০১৮ চনত ৰেপুটেচন ষ্টেডিয়াম ভ্ৰমণৰ পিছত টেইলৰৰ এই ভ্ৰমণ আটাইতকৈ ব্যয়বহুল। টেইলৰে এতিয়ালৈকে মুঠ ১০টা এলবাম মুকলি কৰিছে। মূলতঃ তেওঁ প্ৰতিটো এলবামৰ পৰা নিৰ্বাচিত গীত গায়।
লগতে পঢ়ক: যুঁজ শেষ ‘মিছ ভেনিজুৱেলা’ৰ! দুমাহ পূৰ্বেই প্ৰস্তুত কৰিছিল নিজৰ অন্ত্যেষ্টিক্ৰিয়াৰ ভিডিঅ’
শেহতীয়াকৈ আমেৰিকাত দ্য ইৰাছ ভ্ৰমণ হৈ গ’ল। যোৱা শনিবাৰে কেলিফৰ্ণিয়াৰ চান্টা ক্লাৰাত অনুষ্ঠিত হোৱা আমেৰিকাৰ লেগৰ শেষ পৰ্ব আছিল। আৰু মঞ্চত উঠাৰ আগতে টেইলৰে যি কৰিলে তাৰ বাবে সমগ্ৰ বিশ্বই তেওঁক প্ৰশংসা কৰিছে।
টেইলৰৰ সৈতে আমেৰিকা ভ্ৰমণত আছিল ৫০ জন ট্ৰাক চালক। টেইলৰৰ দামী বাদ্যযন্ত্ৰ ট্ৰাকত লৈ বিভিন্ন ঠাইলৈ লৈ গৈছিল। এই বিশেষ কামটো কৰাৰ বাবে টেইলৰে তেওঁলোকক পুৰস্কৃত কৰিছিল। শিল্পীগৰাকীয়ে তেওঁৰ গভীৰ মনৰ পৰিচয় দিছে। তেওঁ প্ৰতিজন ট্ৰাক চালকক ভাৰতীয় মুদ্ৰাত ৮২ লাখ টকাকৈ দিছে। টেইলৰে মেক্সিকোলৈ গান গাবলৈ যোৱাৰ আগতে এই কাম কৰিছে।
কেৱল এয়াই নহয়, জনা যায় যে টেইলৰে তেওঁৰ বেণ্ডৰ সদস্য, নৃত্যশিল্পী, পোহৰ আৰু শব্দ কুশলী, কেটাৰাৰ আৰু অন্যান্য কৰ্মীসকলকো বিশাল নগদ পুৰস্কাৰ দিছে। ৩৩ বছৰীয়া কণ্ঠশিল্পীগৰাকীয়ে পুনৰবাৰ নিজৰ গৃহভূমিত এক বেলেগ ধৰণে ছাপ পেলাইছে।
লগতে পঢ়ক: মাতৃ হৈ ভাল পায়, সেয়ে গৰ্ভ ভাড়াত দিয়াটো এতিয়া ‘নিচা’ হৈ পৰিছে এই যুৱতীৰ
টেইলৰৰ কথা ক’বলৈ গ’লে আৰু এটা কথা ক’ব লাগিব। যোৱা ৬০ বছৰৰ ভিতৰত তেওঁ প্ৰথমজন জীৱিত শিল্পী যাৰ শীৰ্ষ দহৰ ভিতৰত চাৰিটা এলবাম আছে। যিটো এক অভাৱনীয় বুলিয়েই ক’ব পাৰি। টেইলৰ চুইফটৰ ইনষ্টাগ্ৰামত ২৬৯ মিলিয়ন ফ’ল’ৱাৰ আছে। কিন্তু তেওঁ এজনকো ফলো নকৰে।
