শিৱসাগৰ জিলাৰ শিমলুগুৰিস্থিত এখন বৃদ্ধাশ্ৰমৰ আৱাসী সকলক সহায়ৰ বাবে ওলাই আহিল এজন সৎ আদৰ্শৱান ব্যক্তি।
নাজিৰাৰ শিক্ষক, সাংবাদিক নেকিবুদ্দিন আহমেদে বেংকৰ সঞ্চিত ধনৰ পৰা পোৱা সুদৰ সমুদায় ধন বহন কৰিলে বৃদ্ধাশ্ৰমত।
নেকিবুদ্দিন আহমেদে শিৱসাগৰ জিলাৰ শিমলুগুৰিত অৱস্থিত বৃদ্ধাশ্ৰমৰ আৱাসীক বস্ত্ৰ আৰু এমাহৰ খাদ্য যোগান ধৰিলে।
যি সময়ত পুত্ৰ-কন্যাই নিজৰ পিতৃ-মাতৃক অৱহেলাৰ চকুৰে চাই অহাৰ লগতে পিতৃ-মাতৃক নানা ধৰণৰ শাৰীৰিক অত্যাচাৰ চলাই আহিছে ঠিক সেই সময়তে নাজিৰাৰ এজন শিক্ষক, সাংবাদিক নেকিবুদ্দিন আহমেদে দাঙি ধৰিলে এক সুন্দৰ মানৱীয়তাৰ নিৰ্দশন।
শিক্ষক, সাংবাদিক নেকিবুদ্দিন আহমেদে যদিও এখন চৰকাৰী বিদ্যালয়ৰ শিক্ষক কিন্তু বৰ্তমানলৈ পোৱা নাই পৰ্যাপ্ত পৰিমাণৰ দৰমহা। চাকৰিও হোৱা নাই নিয়মীয়া কৰণ। ২৫০০ টকাৰে পাতনি মেলিছিল শিক্ষকৰ এই চাকৰি।
২৫০০ টকাৰ পৰা পৰা ১৫০০০ হাজাৰ দৰমহা বৃদ্ধি হোৱালৈ নেকিবুদ্দিন আহমেদে বেংকত সঞ্চয় কৰিছিল ধন আৰু সেই সঞ্চয় ধনৰ পৰা লাভ কৰা সুদৰ ধনেৰে বৃদ্ধাশ্ৰমৰ আৱাসীলৈ আহমেদে আগবঢ়ালে সহায়ৰ হাত।
