ভাৰতীয় ক্ৰিকেট দলে অহা বছৰৰ জুলাইত ইংলেণ্ডৰ বিৰুদ্ধে তিনিখন টী-২০ আৰু তিনিখন এদিনীয়া মেচৰ ছিৰিজ খেলিব।
ভাৰতীয় দলটোৱে বৰ্তমান ইংলেণ্ডৰ বিৰুদ্ধে ৫খন মেচৰ টেষ্ট ছিৰিজ খেলি আছে আৰু ছিৰিজৰ অন্তিমখন টেষ্ট ১০ ছেপ্টেম্বৰৰ পৰা আৰম্ভ হ’ব। ছিৰিজটোত ভাৰতে ইতিমধ্যে ২-১ৰ ব্যৱধানত অগ্ৰগতি লাভ কৰি আছে।
দক্ষিণ আফ্ৰিকাৰ পাছতে ইংলেণ্ডৰ দলটোৱে ভাৰতৰ বিৰুদ্ধে এই সীমিত অভাৰৰ খেলৰ ছিৰিজটো খেলিব।
ইংলেণ্ড ক্ৰিকেট বোৰ্ডে প্ৰকাশ কৰা সূচী অনুসৰি অহা বছৰৰ ১ জুলাইত ইংলেণ্ডে ভাৰতৰ বিৰুদ্ধে টী-২০ আন্তৰ্জাতিক ছিৰিজৰ প্ৰথমখন মেচ অ’ল্ড ট্ৰেফৰ্ডত খেলিব।
সেইদৰে, এদিনীয়া ছিৰিজৰ প্ৰথমখন মেচ ইংলেণ্ডে ভাৰতীয় দলটোৰ বিৰুদ্ধে অহা বছৰৰ ৯ জুলাইত এজবেষ্টনত খেলিব।
ভাৰত-ইংলেণ্ড টী-২০মেচৰ ছিৰিজ ২০২২ৰ সূচী:
জুলাই ১, ২০২২- এমেৰিটাছ অ’ল্ড ট্ৰেফৰ্ড
জুলাই ৩,২০২২- ট্ৰেন্ট ব্ৰীজ
জুলাই ৬,২০২২- এজেয়েছ বাউল
ভাৰত-ইংলেণ্ড এদিনীয়া মেচৰ ছিৰিজ ২০২২ৰ সূচী:
জুলাই ৯,২০২২- এজবেষ্টন
জুলাই ১২, ২০২২- কিয়া অ’ভেল
জুলাই ১৪,২০২২- লৰ্ডছ।
