নতুন অসমীয়া চিনেমা ‘অশান্ত ইলেক্ট্ৰন’ৰ teaser মুকলি
পূৰ্ণ গতিত চলি আছে বৰেণ্য গল্পকাৰ সৌৰভ কুমাৰ চলিহাৰ বিখ্যাত গল্প ‘অশান্ত ইলেক্ট্ৰন’ৰ আধাৰত টাছাডা আৰ্টছ (Tasada Arts) আৰু ৰংবীন (Rongbeen)ৰ সহযোগত নিৰ্মিত এখন নতুন অসমীয়া চলচ্চিত্ৰৰ দৃশ্যগ্ৰহনৰ কাম।
ছৈয়দ তাছকীৰ হুছেইনৰ প্ৰযোজনা তথা ননিৰ পৰিচালনাত নিৰ্মাণৰ কাম চলি থকা চলচ্চিত্ৰখনৰ নিৰ্বাচিত কিছু দৃশ্য আজি চান্দমাৰিৰ আৰ্টিষ্ট গীল্ডত প্ৰদৰ্শন কৰাৰ লগতে চিনেমাখনৰ অ’ফিচিয়েল teaser আৰু ৱেবছাইট মুকলি কৰা হয়।
উল্লেখযোগ্য যে ইতিমধ্যে চিনেমাখনৰ প্ৰথম পৰ্যায়ৰ দৃশ্যগ্ৰহণৰ কাম শেষ হৈছে আৰু অহা ১৬ জুলাইৰ পৰা ইয়াৰ দ্বিতীয় পৰ্যায়ৰ দৃশ্যগ্ৰহনৰ কাম আৰম্ভ কৰা হ’ব।
চিনেমাখনৰ মুখ্য সহকাৰী পৰিচালক হিচাপে আছে অভিজ্ঞান কাশ্যপ আৰু সহকাৰী পৰিচালক হিচাপে আছে ৰাজ্য টেৰণ।চিনেমাট’গ্ৰাফী আকাশদ্বীপ গগৈৰ, ভি এফ এক্সৰ পৰিকল্পনা সমূদ্ৰ কাজল শইকীয়াৰ আৰু সম্পাদনাৰ দায়িত্বত আছে স্নিগ্ধা পি ৰয়।
চাউণ্ড ডিজাইন আৰু মিক্সিং কৰিব ভূপেশ শইকীয়াই, প্ৰযোজনাা প্ৰবন্ধক হৈছে তনুজা পি ৰয়, ব্যৱস্থাপক মৃদুপৱন বৰা আৰু নিয়ন্ত্ৰক কন্দৰ্প কোচ। আনহাতে কাষ্টিং পৰিচালনা প্ৰিয়ম ডি নয়নৰ।
চিনেমাখনৰ মুখ্য চৰিত্ৰ সমূহত অভিনয় কৰিছে নয়ন বৰা, প্ৰাঞ্জল বৰ্মণ, মাইনু গগৈ, অনিল শৰ্মা, কিৰণ শংকৰ, নন্দিতা বৰুৱা, জয়ন্ত দাস, ৰত্ন দাস, অঞ্জন ঠাকুৰ আদিয়ে ৷ শিশু চৰিত্ৰ সমূহত আছে কুঁহি, দুগদুগ, ঋক, আয়ান, ৰিয়ান।
চিনেমাখনৰ teaserৰ –