আকস্মিক ৰাজনতিক পট পৰিৱৰ্তনেৰে বিহাৰৰ শাসকীয় মহাজোঁটবন্ধন ত্যাগি পুনৰ বিজেপিৰ সংগ লৈ নীতিশ কুমাৰে আজি অভিলেখ নৱমবাৰৰ বাবে বিহাৰৰ মুখ্যমন্ত্ৰী হিচাপে শপত গ্ৰহণ কৰে।
নীতিশ কুমাৰৰ এই সিদ্ধান্তৰ পিছতে পূৰ্বৰ চৰকাৰৰ সংগী দল আৰজেডি নেতা তথা বিহাৰৰ প্ৰাক্তন উপ-মুখ্যমন্ত্ৰী তেজস্বী যাদৱে প্ৰতিক্ৰিয়া প্ৰকাশ কৰিছে।
তেজস্বী যাদৱে নীতিশ কুমাৰক ইতিমধ্যেই ভাগৰুৱা মুখ্যমন্ত্ৰী বুলি অভিহিত কৰিছে। যাদৱে লগতে খেল এতিয়াও শেষ হোৱা নাই বুলিও তাৎপৰ্যপূৰ্ণ মন্তব্য কৰে।
আৰজেডি নেতাগৰাকীয়ে লগতে ২০২৪ চনত জেডি(ইউ) উচন হ’ব আৰু এয়া লিখিতভাৱে দিব পাৰো বুলিও দাবী কৰে। ‘জনসাধাৰণ আমাৰ লগত আছে’ বুলি মন্তব্য কৰে যাদৱে।
আনহাতে বিগত ১৭ মাহত বিহাৰে যি উন্নয়ন দেখিছে তাৰ বাবে মহাজোঁটবন্ধনক কৃতিত্ব দিয়ে তেজস্বী যাদৱে। ৰাজ্যৰ পৰ্যটন, তথ্য-প্ৰযুক্তি, ক্ৰীড়াৰ ক্ষেত্ৰত নতুন নীতি অনা বুলিও তেজস্বী যাদৱে দাবী কৰে।