দেশৰ সুপ্ৰাচীন ৰাজনৈতিক দল কংগ্ৰেছত এতিয়া আৰম্ভ হৈছে ব্যাক খহনীয়া৷ শুকুৰবাৰে গুলাম নবী আজাদৰ পদত্যাগৰ পিছতে আন এজন জ্যেষ্ঠ নেতাই কংগ্ৰেছৰ পৰা পদত্যাগ কৰাৰ কথা ঘোষণা কৰিছে৷
ৰাহুল গান্ধীক দলটোৰ দুৰৱস্থাৰ বাবে পোনপটীয়াকৈ জগৰীয়া কৰি দল এৰিলে তেলেংগানাৰ নেতা এম এ খানে ৷শনিবাৰেই খানে দলৰ নেতৃত্বলৈ তেওঁৰ পদত্যাগ পত্ৰ প্ৰেৰণ কৰে আৰু নিজৰ ক্ষোভ উজাৰি দিয়ে৷ ৰাহুলৰ সমালোচনাত মুখৰ হৈ পৰা খানে পদত্যাগৰ পিছতে কয় “ৰাহুল গান্ধী হৈছে দলৰ পতনৰ কাৰণ”।
ৰাজ্যসভাৰ প্ৰাক্তন সাংসদগৰাকীয়ে কয় যে তেওঁ কংগ্ৰেছ ত্যাগ কৰাৰ মূল কাৰণ ৰাহুল গান্ধী৷
খানে সংবাদমাধ্যমক কয় “মই কংগ্ৰেছৰ পৰা পদত্যাগ কৰিছো একমাত্ৰ ৰাহুল গান্ধীৰ বাবে৷ ৰাহুলে দলটোৰ সভাপতিৰ দায়িত্ব লোৱাৰ পিছৰে পৰা দলটো বিধ্বস্ত হ’বলৈ আৰম্ভ কৰিছিল। তেওঁৰ চিন্তাবোৰ ভিন্ন ধৰণৰ। ৰাহুলৰ চিন্তাৰ সৈতে কাৰো চিন্তা নিমিলে । ৰাহুলে জ্যেষ্ঠ নেতাসকলৰ সৈতে কেনেদৰে আচৰণ কৰিব লাগে নাজানো”।
তেওঁ কয়, “দলৰ ভিতৰত চলি থকা খামখেয়ালিৰ বাবেই শীৰ্ষ নেতাসকলে দল ত্যাগ কৰিবলৈ বাধ্য হৈছে। কিয়নো শীৰ্ষ নেতৃত্বই পণ্ডিত নেহৰু, ইন্দিৰা গান্ধী, সঞ্জয় গান্ধী, ৰাজীৱ গান্ধীৰ আদৰ্শ জীয়াই থকাটো বিচাৰে”।
