কন্যাক লক্ষ্য কৰি গুলীচালনা কৰিছিল। এগৰাকী প্ৰতিভাৱান টেনিছ খেলুৱৈ পিতৃৰ হাততে ‘হত্যা’ৰ বলি হ’বলগীয়া হ’ল। গুৰুগ্ৰামত সংঘটিত হৈছে এই ৰোমহৰ্ষক ঘটনা। যুৱতীগৰাকী ৰাজ্যিক পৰ্যায়ৰ টেনিছ খেলুৱৈ। তেওঁৰ নাম ৰাধিকা যাদৱ। মৃত্যুৰ সময়ত তেওঁৰৰ বয়স আছিল ২৫ বছৰ। গুৰুগ্ৰামৰ সুশান্ত লোক-ফেজ ২ৰ বাসিন্দা আছিল।
জানিব পৰা মতে, পিতৃয়ে নিজৰ কন্যাৰ ওপৰত পাঁচটা গুলী চলাইছিল। ইয়াৰে তিনিটা গুলীয়ে ৰাধিকাৰ বুকুত আঘাত কৰে। পুৱা প্ৰায় ১০.২০ বজাত সংঘটিত হয় এই ঘটনা। ইতিমধ্যে আৰক্ষীয়ে গ্ৰেপ্তাৰ কৰিছে লোকজনক।
কিন্তু পিতৃয়ে কিয় জীয়েকক হত্যা কৰিলে? ছোৱালীজনীৰ ৰিল বনোৱাৰ নিচাত বিৰক্ত হৈ পৰিছিলল পিতৃ। সেই বিৰক্তিৰ বাবেই পিতৃয়ে যুৱতীগৰাকীক হত্যা কৰিলে নেকি তাৰ তদন্ত কৰি আছে আৰক্ষীয়ে।
আৰক্ষীয়ে জনোৱা মতে, “আমি চিকিৎসালয়ৰ পৰা তথ্য পাইছো যে এগৰাকী ২৫ বছৰীয়া যুৱতীৰ গুলীৰ আঘাতত মৃত্যু হৈছে। তেওঁৰৰ শৰীৰত তিনিটা গুলী লাগিছিল। আমি ইতিমধ্যে ছোৱালীজনীৰ খুৰায়েকক লগ পাইছো। তেওঁ তেনেকুৱা একো কোৱা নাই। তাৰ পিছত আমি সেই স্থানলৈ গ’লোঁ। তাতেই আমি গম পালোঁ যে পিতৃয়ে ছোৱালীজনীক লক্ষ্য কৰি গুলীচালনা কৰিছিল।”
উল্লেখ্য যে ৰাধিকা যাদৱ আছিল এগৰাকী প্ৰতিভাৱান টেনিছ খেলুৱৈ। আন্তঃৰাষ্ট্ৰীয় টেনিছ ফেডাৰেচনৰ ৰেংকিঙত ১১৩ নম্বৰ স্থান লাভ কৰিছিল। শেহতীয়াকৈ ডাবলছত শীৰ্ষ ২০০ ৰ ভিতৰত আছিল ৰাধিকা।
২০০০ চনৰ ২৩ মাৰ্চত জন্মগ্ৰহণ কৰা ৰাধিকাৰ পিতৃৰ পিষ্টলটো জব্দ কৰিছে আৰক্ষীয়ে। সমগ্ৰ বিষয়টোৰ ওপৰত এতিয়া তদন্ত চলি আছে।
