বহুমুখী প্ৰতিভাৰ আকৰ, অসম সাহিত্য সভাৰ প্ৰাক্তন উপ-সভাপতি, মুক্তিযোদ্ধা, শিক্ষাবিদ, গণশিল্পী, সমাজপ্ৰাণ প্ৰয়াত তৰুণ চন্দ্ৰ পামেগাম দেৱৰ আজি ৩৬সংখ্যক মৃত্যু দিৱস।
তেখেতৰ মৃত্যু দিৱস উপলক্ষে আজি তেখেতৰ জন্মস্থান নামনি মাজুলীৰ বৰগঞা গাঁৱত আয়োজিত হয় এক স্মৃতিচাৰণ অনুষ্ঠান।
মাজুলীৰ উপায়ুক্ত শ্ৰীদেৱপ্ৰসাদ মিশ্ৰই এই অনুষ্ঠানত উপস্থিত থাকি প্ৰাতঃস্মৰণীয় ব্যক্তি গৰাকীক শ্ৰদ্ধাৰে সোঁৱৰে।
৮২নং বৰগঞা প্ৰাথমিক বিদ্যালয়ত আয়োজিত স্মৃতিচাৰণ সভা আৰু গ্ৰন্থৰ দিন কাৰ্যসূচীৰ শুভ উদ্বোধন কৰি উপায়ুক্ত শ্ৰী মিশ্ৰই মাজুলীৰ সু-সন্তান প্ৰয়াত পামেগামক “সমন্বয় আৰু সমাজ সংস্কাৰৰ বাৰ্তাবাহক” বুলি অভিহিত কৰে। অনুষ্ঠানৰ প্ৰাকক্ষণত উপায়ুক্ত গৰাকীয়ে বিদ্যালয়খনৰ প্ৰবেশ পথত প্ৰয়াত তৰুণ চন্দ্ৰ পামেগামৰ স্মৃতিত নিৰ্মাণ কৰা এখন আদৰণি তোৰণ আনুষ্ঠানিক ভাৱে উন্মোচন কৰাৰ লগতে তেখেতৰ প্ৰতিকৃতিত পুষ্পাঞ্জলী অৰ্পণ কৰে।
