কংগ্ৰেছৰ সাংসদ তথা লোকসভাৰ বিৰোধী দলপতি ৰাহুল গান্ধীয়ে লোকসভাত একেলগে বিজেপি আৰু আৰএছএছক আক্ৰমণ কৰে। তেওঁ হিন্দুত্ববাদী নেতা চাভাৰকাৰৰ লিখনি উল্লেখ কৰি সংবিধান আৰু মনুস্মৃতিৰ বৈপৰীত্যৰ কথা আঙুলিয়াই দিয়ে।
শনিবাৰে লোকসভাত ভাষণ প্ৰদান কৰে ৰাহুল গান্ধীয়ে। এহাতে সংবিধান আৰু আনহাতে মনুস্মৃতি লৈ শাসকীয় দলটোক তীব্ৰ আক্ৰমণ কৰে। বিজেপি নেতাসকলৰ লক্ষ্য কৰি ৰাহুল গান্ধীয় কয়, “ভাৰতৰ সংবিধানৰ আটাইতকৈ বেয়া কথাটো হ’ল ইয়াত ভাৰতীয় একো নাই। চাভাৰকাৰে নিজৰ লেখাত স্পষ্ট কৰি দিছিল যে সংবিধান নহয় মনুস্মৃতি আমাৰ জাতীয় পথ প্ৰদৰ্শক হ’ব লাগে। বিজেপিৰ নেতাসকলে সংবিধানক সমৰ্থন কৰাৰ অৰ্থ হ’ল চাভাৰকাৰৰ মতাদৰ্শক অপমান কৰা।
ৰাহুলে কয় – “আপোনালোকে চাভাৰকাৰৰ মতাদৰ্শ অনুসৰণ কৰেনে? নে সংবিধানৰ হৈ মাত মাতি তেওঁক উপহাস কৰিছে? প্ৰথমে আপুনি কি বিচাৰে সেয়া স্পষ্ট কৰক?”
অৱশ্যে কংগ্ৰেছক প্ৰত্যুত্তৰ দিয়ে কেন্দ্ৰীয় আইন মন্ত্ৰী কিৰেন ৰিজিজুৱে। তেওঁ কয়, ডা. বি আৰ আম্বেদকাৰক কংগ্ৰেছে আওকাণ কৰি দীৰ্ঘদিন ধৰি তেওঁৰ অৱদান অস্বীকাৰ কৰিছিল। এখন নথিৰ কথা উল্লেখ কৰি তেওঁ দাবী কৰে যে প্ৰাক্তন প্ৰধানমন্ত্ৰী জৱাহৰলাল নেহৰুৱে সংখ্যালঘুসকলক সন্তুষ্ট কৰিবলৈ ৰাজনীতি কৰি আম্বেদকাৰৰ অনুসূচিত জাতি উন্নয়নৰ ধাৰণাক নসাৎ কৰাৰ চেষ্টা কৰিছিল।
