২১ দিনীয়া লকডাউনৰ ফলত আপুনি হয়তো সমস্যাৰ সন্মুখীন হ’ব পাৰে, কিন্তু কৰ’নাৰ দৰে সংক্ৰামক ভাইৰাছ প্ৰতিৰোধৰ বাবে সম্পূৰ্ণ লকডাউনেই হৈছে আটাইতকৈ কাৰ্যকৰী বিকল্প।
আমেৰিকাৰ মিশিগান বিশ্ববিদ্যালয়ৰ এক অধ্যয়নত কোৱা হৈছে যে এক সপ্তাহৰ সম্পূৰ্ণ লকডাউনৰ ফলত কৰ’নাৰ সংক্ৰমণ ১৬১গুণ কম হৈ পৰে।
লকডাউন যাতায়ত আৰু সামাজিক কোৱাৰাইনটাইনৰ দৰে ব্যৱস্থাতকৈ অধিক কাৰ্যকৰী।
অধ্যয়নটোত কোৱা হৈছে যে যদি কৰ’না ভাইৰাছ প্ৰতিৰোধৰ বাবে কোনো ব্যৱস্থা গ্ৰহণ কৰা নহয় তেতিয়াহ’লে ১৫ মে’ পৰ্যন্ত প্ৰতি ১ লাখ লোকৰ ভিতৰত ১৬১ জন লোক কৰ’নাৰ দ্বাৰা সংক্ৰমিত হৈ পৰিব।
এই সময়ত গোটেই দেশতে যদি যাতায়ত বন্ধ কৰি দিয়া হয় তেতিয়াহ’লে এই সংখ্যা হ্ৰাস পাই প্ৰতি ১ লাখত ৪৮জন হ’বগৈ।
যাতায়তৰ লগতে সামাজিক কোৱাৰাইনটাইন কৰি দিলেও প্ৰতি লাখত ৪জন লোক সংক্ৰমিত হ’ব।
আনহাতে, এক সপ্তাহ সম্পূৰ্ণ লকডাউনে কৰ’নাৰ সংক্ৰমণ প্ৰতি ১ লাখত এজনলৈ হ্ৰাস কৰিব পাৰে।
বিশেষজ্ঞসকলৰ মতে তিনি সপ্তাহৰ লকডাউনে কৰ’না ভাইৰাছৰ সংক্ৰমণ সম্পূৰ্ণভাৱে প্ৰভাৱহীন কৰি তুলিব পাৰে।
অধ্যয়নটোত কোৱা হৈছে যে যদি কঠোৰ নিষেধাজ্ঞা গ্ৰহণ কৰা নহয় তেতিয়াহ’লে কৰ’নাৰ সংক্ৰমণ এতিয়া যি হাৰত ঘটিছে, সেয়া অহা ডেৰ মাহত বৃদ্ধি পাই ১৬ লাখ অতিক্ৰম কৰিব। তেতিয়া ইয়াক প্ৰতিৰোধ কৰাটো অসম্ভৱ হৈ পৰিব।
অধ্যয়নটোত কোৱা হৈছে যে বৰ্তমান হাৰ হিচাপত ১৫ এপ্ৰিল পৰ্যন্ত কৰ’নাৰ সংক্ৰমণৰ সংখ্যা দেশত ৪৮০০ চুবগৈ।
আগন্তুক এক মাহত অৰ্থাৎ ১৫ মে’ পৰ্যন্ত ৯.১৫ লাখ, ওক জুন পৰ্যন্ত ১৪.৬০ লাখ আৰু ১৫ জুন পৰ্যন্ত ১৬.৩০ লাখ অতিক্ৰম কৰিব।
উল্লেখযোগ্য যে এই অধ্যয়ন ইতিমধ্যে বহু শুদ্ধ বুলি প্ৰমানিত হৈছে। অধ্যয়নত ১৭,১৮ আৰু ১৯ মাৰ্চত ভাৰতত ১১৯,১২৬ আৰু ১৩৩ টা ঘটনাৰ ভৱিষ্যদ্বাণী কৰা হৈছিল। বাস্তৱত উক্ত তাৰিখ কেইটাত ক্ৰমে ১৪২,১৫৬ আৰু ১৯৪টা ঘটনা সংঘটিত হৈছে।
