নেশ্যনেল টেষ্টিং এজেন্সিয়ে ডিচেম্বৰ মাহত অনুষ্ঠিত কৰিবলগীয়া নেশ্যনেল এলিজিবিলিটি টেষ্ট (NET) পৰীক্ষাৰ বাবে আবেদন প্ৰক্ৰিয়া অহা ৯ ছেপ্টেম্বৰৰ পৰা আৰম্ভ হ’ব।
আবেদনৰ অন্তিম তাৰিখ হৈছে ২০১৯ৰ ৩ অক্টোবৰ।
পৰীক্ষাৰ সম্পূৰ্ণ সূচী ইতিমধ্যে ইয়াৰ আনুষ্ঠানিক ৱেবছাইট nta.ac.in ত আপলোড কৰা হৈছে।
নেট পৰীক্ষাৰ বাবে এডমিট কাৰ্ড ৯ নৱেম্বৰত মুকলি কৰি দিয়া হ’ব।
উল্লেখ্য যে য়ুজিচিৰ নেট পৰীক্ষা জুনিয়ৰ ৰিচাৰ্ছ ফেল’শ্বিপ আৰু এছিষ্টেন্ট প্ৰফেছৰ পদৰ যোগ্যতা নিৰ্দ্ধাৰণৰ বাবে আয়োজন কৰা হয়।
এছিষ্টেন্ট প্ৰফেছৰৰ বাবে প্ৰাৰ্থীসকলৰ নেট পৰীক্ষাত বহাৰ বয়সৰ কোনো উচ্চ সীমা নিৰ্দ্ধাৰণ কৰা হোৱা নাই যদিও জেআৰএফৰ বাবে প্ৰাৰ্থীৰ বয়স ১-৬ ২০১৯ত ৩০ বছৰৰ ভিতৰত হ’ব লাগিব।
এইক্ষেত্ৰত OBC, SC/ST/PwD/মহিলাৰ বাবে বয়সৰ সীমাৰ ক্ষেত্ৰত ৰেহাই দিয়া হৈছে।
পৰীক্ষাৰ বাবে প্ৰশ্ন কাকতৰ আৰ্হি কেনেকুৱা হ’বঃ
-পৰীক্ষাৰ প্ৰশ্নকাকত-১ আৰু প্ৰশ্নকাকত-২ৰ বাবে মুঠ সময় থাকিব ৩ ঘন্টা।
– প্ৰশ্নকাকত-১’ত ১০০নম্বৰৰ ৫০টা প্ৰশ্ন থাকিব।
-প্ৰশ্নকাকত-২’ত ২০০ নম্বৰৰ ১০০ টা প্ৰশ্ন থাকিব।
-পৰীক্ষা কম্পিউটাৰ ভিত্তিক অৰ্থাৎ অনলাইন পদ্ধতিত হ’ব।
-প্ৰশ্নকাকত-১ আৰু প্ৰশ্নকাকত-২ৰ মাজত কোনো বিৰতি দিয়া নহয়।
UGC NET ২০১৯’ৰ বাবে কেনেকৈ কৰিব আবেদনঃ
ষ্টেপ-১- প্ৰথমতে ইয়াৰ আনুষ্ঠানিক ntanet.nic.in ৱেবছাইট যাওক।
ষ্টেপ-২- ‘NTA UGC NET 2019 December registration’ ত ক্লিক কৰক।
ষ্টেপ-৩- বিচৰা সকলো তথ্য সন্নিৱিষ্ট কৰক।
ষ্টেপ-৪-ভৱিষ্যতৰ বাবে প্ৰিন্ট আউট ল’বলৈ নাপাহৰিব।
কেতিয়া হ’ব পৰীক্ষাঃ
নেট’ৰ পৰীক্ষা ২০১৯’ৰ ২ ডিচেম্বৰৰ পৰা ৬ ডিচেম্বৰলৈকে অনুষ্ঠিত হ’ব। তদুপৰি, UGC NET ২০১৯’ৰ পৰীক্ষাৰ প্ৰৱেশ পত্ৰ ৯ নৱেম্বৰৰ পৰা সংগ্ৰহ কৰিব পাৰিব।
